Gold Rate Today:మళ్లీ తగ్గేదేలే అంటున్న బంగారం ధర.. భారీగా పెరిగిన బంగారం ధరలు..

Gold Rate Today:మళ్లీ తగ్గేదేలే అంటున్న బంగారం ధర.. భారీగా పెరిగిన బంగారం ధరలు.. నవంబర్ 14, శుక్రవారం బంగారం ధరలు ఇలా ఉన్నాయి. 24 క్యారెట్ 10 గ్రాముల బంగారం ధర రూ. 1,30,510గా నమోదైంది. 22 క్యారెట్ 10 గ్రాముల బంగారం ధర రూ. 1,17,550గా ఉంది. ఒక కేజీ వెండి ధర రూ. 1,66,668గా పలుకుతోంది. గడిచిన వారం రోజులుగా బంగారం ధరలు గణనీయంగా పెరుగుతున్నాయి. నిన్నటి ధరలతో పోల్చితే నేడు మరింత ఎగసి, ఆల్ టైమ్ రికార్డు స్థాయిని తాకే దిశగా పయనిస్తోంది.

అంతర్జాతీయ మార్కెట్‌లో స్పాట్ గోల్డ్ ధర ఒక ఔన్స్‌కు 4,206 డాలర్లకు చేరి, అక్టోబర్ 21 తర్వాత అత్యధిక స్థాయిని తాకింది. అమెరికా ప్రభుత్వ షట్‌డౌన్ ముగిసి కార్యకలాపాలు పునఃప్రారంభమైనప్పటికీ, అధికారిక ఆర్థిక డేటా ఇంకా వెల్లడి కాలేదు. ప్రైవేట్ సర్వేలు మాత్రం ఉద్యోగ మార్కెట్ బలహీనంగా ఉందని సూచిస్తున్నాయి.

ఫెడరల్ రిజర్వ్ డిసెంబర్‌లో వడ్డీ రేట్లు తగ్గించే అవకాశంపై ఇన్వెస్టర్లలో ఆశలు నెలకొన్నాయి. అయితే తాజా సర్వేల్లో కేవలం 49 శాతం మంది మాత్రమే రేటు కోతకు అంగీకరిస్తున్నారు. రేట్లు యథాతథంగా ఉంటే ఇన్వెస్టర్లు ట్రెజరీ బాండ్ల వైపు మళ్లే అవకాశం ఉంది. దీంతో బంగారం, ఈక్విటీ మార్కెట్ల నుంచి నిధులు ఉపసంహరణకు గురయ్యే ప్రమాదం ఉంది.

శుక్రవారం అమెరికా మార్కెట్‌లో గోల్డ్ ఫ్యూచర్స్ భారీగా ఎగసి, వెంటనే ఔన్స్‌కు 50 డాలర్లు కుంగిపోయింది. ప్రస్తుతం 4,160 డాలర్ల వద్ద ట్రేడవుతోంది. మార్కెట్ స్థిరత్వం కోసం వేచి చూడాలని కిట్‌కో మెటల్స్ విశ్లేషకుడు జిమ్ వికాఫ్ సూచించారు. వడ్డీ రేట్లు తగ్గితే బంగారం వంటి సేఫ్ హెవెన్ ఆస్తులకు డిమాండ్ పెరుగుతుందన్నది సాధారణ నియమం.

డిస్‌క్లైమర్: ఈ సమాచారం కేవలం అవగాహన కోసం మాత్రమే. దీనిని పెట్టుబడి లేదా వ్యాపార సలహాగా పరిగణించరాదు. స్టాక్ మార్కెట్లు, మ్యూచువల్ ఫండ్స్, క్రిప్టో, రియల్ ఎస్టేట్, బంగారం, వెండి వంటి పెట్టుబడి సాధనాలు లాభనష్టాలకు లోనవుతాయి. మీ నిర్ణయాలకు chaipakodi ఎటువంటి బాధ్యత వహించదు. పెట్టుబడుల ముందు సర్టిఫైడ్ ఆర్థిక సలహాదారులను సంప్రదించండి.