Poori Puffing Tips:హోటల్ స్టైల్ పూరీ ఇంట్లోనే.. ఈ చిన్న ‘సీక్రెట్’ తెలిస్తే బెలూన్లా పొంగుతాయి!
Poori Puffing Tips:హోటల్ స్టైల్ పూరీ ఇంట్లోనే.. ఈ చిన్న ‘సీక్రెట్’ తెలిస్తే బెలూన్లా పొంగుతాయి.. ఆదివారం వచ్చిందంటే చాలు.. చాలా ఇళ్లలో బ్రేక్ఫాస్ట్ ప్లేట్లలో పూరీ ఉండాల్సిందే. వేడి వేడి పూరీ, బంగాళదుంప కూర కాంబినేషన్ గుర్తొస్తేనే నోరూరిపోతుంది కదూ! అయితే, చాలామందికి పూరీలు హోటల్లో వచ్చినట్లుగా పొంగవు. నూనె పీల్చేసి, అప్పడాల్లా గట్టిగా మారిపోతుంటాయి.
మీ పూరీలు కూడా ఇలానే అవుతున్నాయా? అయితే మీరు పిండి కలిపేటప్పుడు, పూరీ వేయించేటప్పుడు తెలియకుండానే చిన్న చిన్న తప్పులు చేస్తున్నారు. ఆ సీక్రెట్ టిప్స్ పాటిస్తే.. ఇకపై మీ ఇంట్లో కూడా పూరీలు బెలూన్లా పొంగుతాయి. ఆ టిప్స్ ఏంటో చూసేయండి.
1. పిండి కలపడంలోనే అసలైన మ్యాజిక్ ఉంది!
పూరీ బాగా పొంగాలంటే పిండి తడిపేవద్దే జాగ్రత్త పడాలి.గోధుమ పిండి లేదా మైదాను తీసుకుని శుభ్రంగా జల్లెడ పట్టుకోండి. అందులో రుచికి సరిపడా ఉప్పు, ఒక టీ స్పూన్ నూనె వేసి పొడి పిండిని బాగా కలపండి.
పూరీ పిండి ఎప్పుడూ చపాతీ పిండిలా మెత్తగా ఉండకూడదు. అలాగని మరీ గట్టిగానూ ఉండకూడదు. కొంచెం గట్టిగా (Stiff dough) కలుపుకుంటేనే పూరీ నూనె పీల్చకుండా పొంగుతుంది.
2. ఆ ఒక్క పని తప్పక చేయాలి
పిండి కలిపేశాక వెంటనే పూరీలు చేసేయకూడదు. పిండిపై ఒక తడి వస్త్రం లేదా మూత పెట్టి కనీసం 15-20 నిమిషాల పాటు పక్కన పెట్టాలి. దీనివల్ల పిండి సెట్ అయ్యి, పూరీలు సాఫ్ట్గా వస్తాయి.
3. నూనె కాగిందా లేదా?
చాలామంది చేసే పెద్ద తప్పు ఇదే. నూనె సరిగ్గా కాగకముందే పూరీ వేసేస్తారు.నూనె బాగా వేడిగా ఉండాలి.అది చెక్ చేయడానికి చిన్న పిండి ముద్దను నూనెలో వేయండి. అది వెంటనే చిటపటలాడుతూ పైకి తేలితే నూనె రెడీగా ఉన్నట్టే.నూనె వేడిగా లేకపోతే పూరీ పొంగదు సరికదా.. విపరీతంగా నూనె పీల్చేస్తుంది.
4. పూరీ వేయించే టెక్నిక్ ఇదే (Pro Tip)
ఇదే అసలైన సీక్రెట్! కాగిన నూనెలో పూరీ వేసిన తర్వాత అది పైకి తేలే వరకు ఆగండి.
పూరీ పైకి రాగానే.. గరిటెతో దానిపై కొంచెం కొంచెంగా వేడి నూనెను పోయండి (లేదా గరిటెతో మెల్లగా అదమండి). ఇలా చేయడం వల్ల పూరీ లోపల ఆవిరి చేరి, బంతిలా ఉబ్బుతుంది.
గమనిక: మంటను మరీ హైలో పెట్టకండి, పూరీ మాడిపోతుంది. అలాగని సిమ్ లో పెడితే గట్టిగా అవుతుంది. మీడియం టు హై ఫ్లేమ్ మెయింటైన్ చేయండి.
ఈ సారి పూరీలు చేసేటప్పుడు ఈ చిట్కాలు పాటించి చూడండి.. మీ ఇంట్లో వాళ్ళే మిమ్మల్ని మెచ్చుకుంటారు!
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
https://www.telugulifestyle.com/