Kitchen Tips:చేతి నొప్పి లేకుండా.. చిటికెలో ఇత్తడి, రాగి పాత్రలు తళతళా మెరవాలంటే ఇలా చేయండి!

Kitchen Tips:చేతి నొప్పి లేకుండా.. చిటికెలో ఇత్తడి, రాగి పాత్రలు తళతళా మెరవాలంటే ఇలా చేయండి.. ఇత్తడి, రాగి పాత్రలు నల్లగా మారిపోయాయా? పీచు పెట్టి తోమి తోమి చేతులు నొప్పి పుడుతున్నాయా? అయితే మీ వంటింట్లో ఉండే ఈ ‘పిండి’తో మ్యాజిక్ చేయొచ్చు.

ఒకప్పుడు మన పూర్వీకులు ఆరోగ్యం కోసం రాగి, ఇత్తడి పాత్రలనే వాడేవారు. వంట దగ్గరి నుంచి నీళ్లు తాగే వరకు అన్నీ అవే. కానీ రాను రాను వాటిని క్లీన్ చేయడం పెద్ద పనిలా మారిపోయి, కేవలం పూజ గదికే పరిమితం చేసేశారు.

మార్కెట్లో దొరికే ఖరీదైన లిక్విడ్స్, పౌడర్స్ వాడినా ఫలితం తాత్కాలికమే. కానీ, మన వంటింట్లో ఎప్పుడూ ఉండే మూడు వస్తువులతో.. శ్రమ లేకుండా పాత పాత్రలను కొత్తవాటిలా మెరిపించవచ్చు. అదెలాగో ఇప్పుడు చూద్దాం!

కావాల్సిన ‘మ్యాజికల్’ పదార్థాలు:దీనికోసం మీరు బజారుకు వెళ్లి కొత్తగా ఏమీ కొనక్కర్లేదు. ఇవి ఉంటే చాలు:

గోధుమ పిండి (కొద్దిగా)
ఉప్పు (తగినంత)
నిమ్మరసం

తయారీ మరియు వాడే విధానం:
ఒక చిన్న గిన్నెలో కొద్దిగా గోధుమ పిండి తీసుకోండి.అందులో కాస్త ఉప్పు వేయండి.చివరగా నిమ్మరసం పిండి, పేస్టులా కలుపుకోండి.ఈ మిశ్రమాన్ని నల్లగా మారిన ఇత్తడి, రాగి వస్తువులకు పూయండి.కాసేపు ఆగి మెల్లగా రుద్దండి.

అంతే.. జిడ్డు, నలుపు వదిలిపోయి పాత్రలు బంగారు రంగులో మెరుస్తాయి!చివరగా నీటితో కడిగి పొడి గుడ్డతో తుడవండి (ఇలా తుడవకపోతే మళ్ళీ మచ్చలు పడతాయి).

ఇది ఎలా పనిచేస్తుంది?
సాధారణంగా మనం చింతపండు, బూడిద వాడుతాం. కానీ ఇందులో వాడిన గోధుమ పిండి స్క్రబ్బర్‌లా పనిచేసి మురికిని వదిలిస్తుంది. ఉప్పు, నిమ్మరసం జిడ్డు మరకలను, ఆక్సిడేషన్ వల్ల వచ్చిన నలుపును పోగొడతాయి. ఎలాంటి కెమికల్స్ లేవు కాబట్టి రోజూ వాడినా పాత్రలకు, మీ చేతులకు ఏ హానీ ఉండదు.

చిట్కా: రోజూ పేస్ట్ కలపడం కష్టంగా అనిపిస్తే.. గోధుమ పిండి, ఉప్పు కలిపి ఒక డబ్బాలో ఉంచుకోండి. కావాల్సినప్పుడు కాస్త పొడిని తీసుకుని నిమ్మరసంతో కలిపి వాడుకోవచ్చు. మరీ మొండి మరకలు ఉంటే చిటికెడు వంట సోడా కూడా కలుపుకోవచ్చు.

ఇంకెందుకు ఆలస్యం.. ఒకసారి మీ పూజ సామాన్ల మీద ఈ చిట్కా ట్రై చేసి చూడండి!

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.

మరిన్ని చిట్కాల కోసం కింద లింక్ ని Copy చేసి చూడండి.
https://www.telugulifestyle.com/