RWF Recruitment:నిరుద్యోగులకు గుడ్ న్యూస్.. పరీక్ష లేకుండానే రైల్వేలో ఉద్యోగం.. ఎలా అప్లై చేయాలంటే..

RWF Recruitment:నిరుద్యోగులకు గుడ్ న్యూస్.. పరీక్ష లేకుండానే రైల్వేలో ఉద్యోగం.. ఎలా అప్లై చేయాలంటే.. నిరుద్యోగ యువతకు భారతీయ రైల్వే (Indian Railways) అదిరిపోయే శుభవార్త చెప్పింది. ఎలాంటి రాత పరీక్ష, ఇంటర్వ్యూ లేకుండానే డైరెక్ట్‌గా రైల్వేలో అడుగుపెట్టే అద్భుతమైన అవకాశాన్ని కల్పించింది. బెంగళూరులోని రైల్ వీల్ ఫ్యాక్టరీ (RWF)లో 192 అప్రెంటీస్ పోస్టుల భర్తీకి నోటిఫికేషన్ విడుదలైంది.

టెన్త్ మరియు ఐటీఐ (ITI) పూర్తి చేసి, మంచి స్టైఫండ్‌తో పాటు రైల్వేలో ప్రాక్టికల్ నాలెడ్జ్ సంపాదించాలనుకునే వారికి ఇది ఒక గోల్డెన్ ఛాన్స్. ఈ పోస్టులకు సంబంధించిన పూర్తి వివరాలు ఇప్పుడు చూద్దాం.

ముఖ్యమైన వివరాలు ఇవే:
మొత్తం ఖాళీలు: 192 పోస్టులు. (ఫిట్టర్-85, మెషినిస్ట్-31, సీఎన్‌సీ ప్రోగ్రామింగ్-23, ఎలక్ట్రానిక్ మెకానిక్-22, ఎలక్ట్రీషియన్-18, మెకానిక్ మోటార్ వెహికల్-8, టర్నర్-5).

అర్హత: కనీసం 50% మార్కులతో 10వ తరగతి పాస్ అయి ఉండాలి. అలాగే అప్లై చేసే ట్రేడ్‌లో నేషనల్ ట్రేడ్ సర్టిఫికెట్ (NTC/ITI) తప్పనిసరిగా ఉండాలి.

వయోపరిమితి: 2026 మార్చి 1 నాటికి అభ్యర్థుల వయస్సు 15 నుంచి 24 ఏళ్ల మధ్య ఉండాలి. (ఎస్సీ, ఎస్టీ, ఓబీసీలకు ప్రభుత్వ నిబంధనల ప్రకారం వయసులో సడలింపు ఉంటుంది).

స్టైఫండ్ (జీతం): ఎంపికైన అభ్యర్థులకు ట్రేడ్‌ను బట్టి శిక్షణ సమయంలో నెలకు రూ. 10,899 నుంచి రూ. 12,261 వరకు స్టైఫండ్ చెల్లిస్తారు.

ఎలా ఎంపిక చేస్తారంటే..
ఈ పోస్టుల భర్తీకి ఎటువంటి రాత పరీక్ష గానీ, ఇంటర్వ్యూ గానీ ఉండదు. అభ్యర్థులు 10వ తరగతిలో సాధించిన మార్కుల (Merit List) ఆధారంగా షార్ట్ లిస్ట్ చేసి, నేరుగా డాక్యుమెంట్ వెరిఫికేషన్ ద్వారా ఎంపిక చేస్తారు.

దరఖాస్తు విధానం:
ఎలా అప్లై చేయాలి: ఆసక్తి గల అభ్యర్థులు ఆన్‌లైన్ ద్వారా దరఖాస్తు చేసుకోవాలి.
దరఖాస్తు ఫీజు: జనరల్ మరియు ఓబీసీ అభ్యర్థులకు రూ. 100. (ఎస్సీ, ఎస్టీ, దివ్యాంగులు, మహిళలకు ఫీజు లేదు, వీరు ఉచితంగా అప్లై చేసుకోవచ్చు).
చివరి తేదీ: 2026 ఏప్రిల్ 1.
అధికారిక వెబ్‌సైట్: https://rwf.indianrailways.gov.in/

రైల్వేలో కెరీర్ ప్రారంభించాలనే కలతో ఉన్నవాళ్లు గడువు ముగియకముందే వెంటనే పై వెబ్‌సైట్‌లోకి వెళ్లి అప్లై చేసుకోండి.

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.

మరిన్ని చిట్కాల కోసం కింద లింక్ ని Copy చేసి చూడండి.
https://www.telugulifestyle.com/