Face Care Tips:ముఖంపై ముడతలతో ఇబ్బంది పడుతున్నారా? ఇంట్లోనే తయారు చేసుకునే ఈ నూనెతో మీ చర్మాన్ని మళ్లీ యవ్వనంగా మార్చుకోండి..

Face Care Tips:ముఖంపై ముడతలతో ఇబ్బంది పడుతున్నారా? ఇంట్లోనే తయారు చేసుకునే ఈ నూనెతో మీ చర్మాన్ని మళ్లీ యవ్వనంగా మార్చుకోండి..వయసు పైబడటం వల్ల లేదా మారిన జీవనశైలి కారణంగా చర్మంపై ముడతలు రావడం సహజం. ఒక్కోసారి చిన్న వయసులోనే ఈ ముడతలు వస్తే ఆ టెన్షన్ అంతా ఇంతా కాదు. వీటిని తగ్గించుకోవడానికి మార్కెట్లో దొరికే ఖరీదైన క్రీమ్స్, లోషన్స్ వాడుతూ వేలకు వేలు ఖర్చు చేస్తుంటారు.

కానీ, ఎలాంటి సైడ్ ఎఫెక్ట్స్ లేకుండా, మన వంటగదిలో దొరికే పదార్థాలతోనే ఈ ముడతలకు చెక్ పెట్టొచ్చు. వృద్ధాప్య ఛాయలను దరిచేరనీయకుండా, చర్మాన్ని కాంతివంతంగా మార్చే ఆ అద్భుతమైన ఆయిల్ ఎలా తయారు చేసుకోవాలో ఇక్కడ చూద్దాం.

తయారీకి కావాల్సిన పదార్థాలు:
బిర్యానీ ఆకులు (Bay leaves): 20
యాలకులు (Cardamom): 10
ఆలివ్ ఆయిల్ (Olive oil): 1 కప్పు

తయారీ విధానం:
ముందుగా బిర్యానీ ఆకులను చిన్న చిన్న ముక్కలుగా కట్ చేసుకుని మిక్సీ జార్‌లో వేయాలి.అందులోనే 10 యాలకులను కూడా వేసి, రెండింటినీ కలిపి మెత్తని పొడిలా మిక్సీ పట్టుకోవాలి.ఇప్పుడు స్టౌ మీద ఒక గిన్నె పెట్టి, అందులో ఆలివ్ ఆయిల్ వేసి కాస్త వేడి చేయాలి.

నూనె వేడెక్కాక, మనం ముందుగా తయారు చేసుకున్న బిర్యానీ ఆకు-యాలకుల పొడిని అందులో వేసి సన్నని మంటపై సుమారు 10 నిమిషాల పాటు మరిగించాలి.

ఆ తర్వాత స్టౌ ఆఫ్ చేసి, నూనెను పూర్తిగా చల్లారనివ్వాలి.చల్లారిన తర్వాత ఈ నూనెను వడకట్టి, ఒక శుభ్రమైన గాజు సీసాలో నిల్వ చేసుకోవాలి. (ఈ నూనె దాదాపు నెల రోజుల పాటు పాడవకుండా ఉంటుంది).

ఎలా వాడాలి?
రోజూ మీరు నిద్రపోయే ముందు లేదా మీకు వీలైన సమయంలో ఈ నూనెను కొద్దిగా తీసుకుని ముఖానికి, మెడకు అప్లై చేయండి.5 నిమిషాల పాటు వేళ్లతో సున్నితంగా మసాజ్ చేయండి.పది నిమిషాల పాటు అలాగే వదిలేసి, ఆ తర్వాత గోరువెచ్చని నీటితో ముఖాన్ని శుభ్రంగా కడుక్కోవాలి.

ఇది ఎలా పనిచేస్తుందంటే..
బిర్యానీ ఆకు, యాలకుల్లో ఉండే యాంటీ ఆక్సిడెంట్లు, పోషకాలు చర్మ కణాలను యాక్టివ్ చేస్తాయి. క్రమం తప్పకుండా ఈ నూనెను వాడటం వల్ల చర్మంపై ఏర్పడిన సన్నని గీతలు, ముడతలు నెమ్మదిగా తగ్గిపోతాయి. ముఖంలో వృద్ధాప్య ఛాయలు తగ్గి, స్కిన్ గ్లోయింగ్‌గా మరియు యవ్వనంగా మారుతుంది.ఇంకెందుకు ఆలస్యం, ఖర్చు లేని ఈ నేచురల్ ఆయిల్‌ను మీరూ ట్రై చేసి చూడండి!

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.

మరిన్ని చిట్కాల కోసం కింద లింక్ ని Copy చేసి చూడండి.
https://www.telugulifestyle.com/