ముఖంపై మచ్చలు పోయి కొరియన్లలా ‘గ్లాస్ స్కిన్’ మెరవాలా? ఇంట్లోనే ఉండే ఈ 2 వస్తువులతో ఇలా చేయండి!
ప్రస్తుతం సోషల్ మీడియాలో ఎక్కడ చూసినా కొరియన్ ‘గ్లాస్ స్కిన్’ ట్రెండ్ నడుస్తోంది. ముఖం మీద ఎలాంటి మచ్చలు, మొటిమలు లేకుండా అద్దంలా మెరిసిపోవాలని అందరికీ ఉంటుంది. దీనికోసం వేలకు వేలు ఖర్చు పెట్టి పార్లర్స్కు వెళ్లాల్సిన పనిలేదు. మన వంటగదిలో ఉండే రెండు వస్తువులతో ఒక అద్భుతమైన ఫేస్ ప్యాక్ వేసుకుంటే, వారం రోజుల్లోనే మీ చర్మం కాంతివంతంగా మారుతుంది.
గ్లాస్ స్కిన్ ఫేస్ ప్యాక్ తయారీ:
ఒక చిన్న బౌల్ తీసుకుని అందులో 2 స్పూన్ల బియ్యం పిండి (Rice Flour) వేయాలి. కొరియన్ల బ్యూటీ సీక్రెట్ అంతా ఈ బియ్యం పిండిలోనే ఉంది. ఇది చర్మంపై ఉన్న మృతకణాలను (Dead cells) తొలగిస్తుంది.
అందులో సరిపడా పచ్చి పాలు (Raw Milk) పోసి మెత్తటి పేస్ట్లా కలుపుకోవాలి. పచ్చి పాలు ముఖానికి మంచి మాయిశ్చరైజర్లా పనిచేస్తాయి.చర్మం మరీ డ్రైగా ఉంటే, ఇందులో అర స్పూన్ తేనె కూడా కలుపుకోవచ్చు.
ఎలా వాడాలి?
ఈ మిశ్రమాన్ని ముఖానికి, మెడకు అప్లై చేసి 15 నిమిషాల పాటు ఆరనివ్వాలి. ఆ తర్వాత చేతిని కొద్దిగా తడుపుకుంటూ.. సున్నితంగా స్క్రబ్ చేస్తూ చల్లటి నీటితో కడిగేయాలి. ఇలా వారానికి రెండు సార్లు చేస్తే.. మీ ముఖంపై ఉన్న ట్యాన్, నల్లటి మచ్చలు మాయమై స్కిన్ టోన్ అద్భుతంగా మెరుగుపడుతుంది.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.