కేవలం రూ.20 వేల పెట్టుబడి.. నెలకు వేలల్లో లాభం! వేసవిలో అదిరిపోయే బిజినెస్ ఐడియా ఇదే..

AC rent Business: కేవలం రూ.20 వేల పెట్టుబడి.. నెలకు వేలల్లో లాభం! వేసవిలో అదిరిపోయే బిజినెస్ ఐడియా ఇదే..ఎండలు మండిపోతున్నాయి.. ఇంట్లో ఏసీ (AC) లేనిదే క్షణం కూడా ఉండలేని పరిస్థితి. కానీ, అద్దె ఇళ్లలో ఉండేవాళ్లు, బ్యాచిలర్స్, స్టూడెంట్స్ భారీ ఖర్చుపెట్టి ఏసీ కొనలేరు. అలాంటి వారి అవసరాన్నే మీరు పెట్టుబడిగా మార్చుకుంటే, ఈ వేసవిలో ఇంట్లో కూర్చునే మంచి సైడ్ ఇన్‌కమ్ సంపాదించుకోవచ్చు. అదే ‘పోర్టబుల్ ఏసీ రెంటల్ బిజినెస్’ (Portable AC Rental Business).

దీన్ని ఎలా మొదలుపెట్టాలి? లాభాలు ఎలా వస్తాయో ఇక్కడ తెలుసుకోండి.
ఎవరిని టార్గెట్ చేయాలి?
తరచూ ఇళ్లు మారే ఉద్యోగులు, పీజీల్లో ఉండే విద్యార్థులు, చిన్న చిన్న షాపుల నిర్వాహకులకు ఏసీ అవసరం ఉంటుంది కానీ, కొనుగోలు చేసి బిగించే బడ్జెట్ ఉండదు. వీరికి రెండు, మూడు నెలల పాటు అద్దెకు ఏసీలు ఇస్తే సులభంగా డబ్బు సంపాదించవచ్చు.

పెట్టుబడి ఎంత? లాభం ఎంత?
పెట్టుబడి: మార్కెట్లో ఒక మంచి పోర్టబుల్ ఏసీ ధర రూ. 18,000 నుంచి రూ. 22,000 వరకు ఉంటుంది. ముందుగా రెండు లేదా మూడు ఏసీలతో మీరు ఈ బిజినెస్ మొదలుపెట్టొచ్చు.

అద్దె ఆదాయం: ఒక ఏసీని డిమాండ్‌ను బట్టి నెలకు రూ. 2,500 నుంచి రూ. 4,000 వరకు అద్దెకు ఇవ్వొచ్చు.

లాభం: వేసవి సీజన్ (సుమారు 4 నెలలు) అద్దెకు ఇచ్చినా.. ఒక ఏసీ పై సులభంగా రూ. 12,000 నుంచి రూ. 15,000 వరకు ఆదాయం వస్తుంది. అంటే రెండో ఏడాదికల్లా మీ అసలు పూర్తిగా వెనక్కి వచ్చేస్తుంది, ఆపై వచ్చేదంతా మీకు లాభమే!

పోర్టబుల్ ఏసీనే ఎందుకు బెస్ట్?
సాధారణ ఏసీలతో పోలిస్తే పోర్టబుల్ ఏసీలతో చాలా లాభాలు ఉన్నాయి:

ఇన్‌స్టాలేషన్ అక్కర్లేదు: దీన్ని గోడకు పగలగొట్టి బిగించాల్సిన పనిలేదు. ఫ్లగ్ పెడితే చాలు ఆన్ అయిపోతుంది.

సులభంగా మార్చొచ్చు: ఒక గది నుంచి మరో గదికి సులభంగా తీసుకెళ్లొచ్చు. డ్యామేజ్ అయ్యే రిస్క్ తక్కువ.

మెయింటెనెన్స్: వీటి నిర్వహణ చాలా సులువు. కాబట్టి కస్టమర్లు కూడా వీటినే ఎక్కువగా ఇష్టపడుతున్నారు.

బిజినెస్ ఎలా స్టార్ట్ చేయాలి?
ఆన్‌లైన్ ప్రచారం: OLX, Facebook Marketplace, Instagram లలో ఏసీ ఫోటోలు, అద్దె వివరాలు, మీ ఫోన్ నెంబర్‌తో ఆకర్షణీయమైన పోస్ట్‌లు పెట్టండి.

ఆఫ్‌లైన్ టార్గెట్: మీ చుట్టుపక్కల ఉండే వర్కింగ్ ఉమెన్స్ హాస్టళ్లు, మెన్స్ పీజీల వద్ద బ్రోచర్లు ఇవ్వండి. వారికే వీటి అవసరం ఎక్కువగా ఉంటుంది.

భద్రత ముఖ్యం: ఏసీని అద్దెకు ఇచ్చే ముందు కస్టమర్ల నుంచి కచ్చితంగా గుర్తింపు కార్డు (ఆధార్ కార్డు తదితర ఐడీ ప్రూఫ్స్), అలాగే కొంత సెక్యూరిటీ డిపాజిట్ (అడ్వాన్స్) తీసుకోండి. దీనివల్ల మీ వస్తువు సేఫ్‌గా ఉంటుంది. సమయానికి అద్దె కూడా వస్తుంది.

తక్కువ పెట్టుబడితో, ఇంట్లో నుంచే సమ్మర్ సీజన్‌లో డబ్బు సంపాదించడానికి ఇదొక స్మార్ట్ ఐడియా. ట్రెండ్ మారుతోంది.. ఈ రెంటింగ్ బిజినెస్‌ను మీరు కూడా ట్రై చేయండి!

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.