Business Ideas:వేసవిలో ఖాళీగా ఉంటున్నారా? కేవలం 40 రోజుల్లోనే లక్షలు సంపాదించే సూపర్ బిజినెస్ ఐడియా ఇదే!

Business Ideas:వేసవిలో ఖాళీగా ఉంటున్నారా? కేవలం 40 రోజుల్లోనే లక్షలు సంపాదించే సూపర్ బిజినెస్ ఐడియా ఇదే.. సమ్మర్ రాగానే చాలామంది తమ సొంతూళ్లకు వెళ్తుంటారు. అయితే వేసవిలో ఖాళీగా సమయం వృధా చేసే బదులు, మీ ఊర్లోనే చిన్నపాటి వ్యవసాయం చేసి కేవలం 40 రోజుల్లోనే లక్షలు సంపాదించొచ్చు.

వినడానికి ఆశ్చర్యంగా ఉన్నా ఇది నిజం! తక్కువ వ్యవధిలో పండే కూరగాయలను సాగు చేయడం ద్వారా వేసవిలో రైతులు మంచి లాభాలను ఆర్జించవచ్చు. మరి ఆ పంటలేంటి? ఎలా సాగు చేయాలో ఇప్పుడు తెలుసుకుందాం.

సమ్మర్‌లో ఫుల్ డిమాండ్ ఉన్న పంటలు ఇవే..
వేసవి కాలంలో మార్కెట్‌లో కొన్ని కూరగాయలకు విపరీతమైన డిమాండ్ ఉంటుంది. అందులో ముఖ్యమైనవి దోసకాయ, కొత్తిమీర. ఈ రెండు పంటలు కేవలం 40 రోజుల్లోనే చేతికి వస్తాయి. తక్కువ శ్రమ, తక్కువ పెట్టుబడితో ఎక్కువ ఆదాయాన్ని తెచ్చిపెట్టే అద్భుతమైన మార్గం ఇది.

భూమి ఎంపిక ఎలా ఉండాలి?
ఈ పంటలను సాగు చేసేందుకు మీరు రేయింబవళ్లు కష్టపడాల్సిన అవసరం లేదు. సరైన పద్ధతి పాటిస్తే చాలు.ముందుగా మీరు పంట వేయాలనుకున్న పొలంలో నీరు నిల్వ ఉండకుండా భూమిని సమానంగా చదును చేయండి.

ఈ సాగుకు సారవంతమైన ఇసుక నేలలు, నీరు సులభంగా ఇంకిపోయే భూములు చాలా అనుకూలంగా ఉంటాయి.

దిగుబడి పెంచే ఎరువుల యాజమాన్యం
మంచి దిగుబడి పొందాలంటే సమతుల్య ఎరువుల వాడకం ఎంతో ముఖ్యం.మీరు ఎకరం భూమిలో పంట సాగు చేస్తుంటే.. 8 నుండి 10 టన్నుల బాగా మాగిన పశువుల ఎరువు లేదా 2-3 టన్నుల వర్మీ కంపోస్ట్ వాడాలి.

అలాగే ఎకరాకు 100 కిలోల వేప పిండి వేయడం వల్ల భూమిలోని చీడపీడల నుంచి పంటకు రక్షణ లభిస్తుంది.మీ పొలం అవసరాన్ని బట్టి యూరియా, SSP వంటి ఎరువులను తగిన మోతాదులో వాడుకోవచ్చు.

వాతావరణం – నీటి పారుదల
దోసకాయ వేడి వాతావరణంలో చాలా వేగంగా పండుతుంది. ఉష్ణోగ్రత 20 డిగ్రీల సెల్సియస్ కంటే ఎక్కువగా ఉన్నప్పుడు విత్తనాలు నాటడం ఉత్తమం.

ఈ పంట సాగుకు పొడి వాతావరణమే అనుకూలం. అకాల వర్షాలు పడితే పంట దెబ్బతినే అవకాశం ఉంది కాబట్టి వాతావరణ సూచనలు గమనిస్తూ ఉండాలి.

లక్షల్లో లాభాలు..
సరైన విత్తనాల ఎంపిక, పర్ఫెక్ట్ నీటి పారుదల, సమతుల్య ఎరువుల వాడకం ద్వారా చాలా తక్కువ పెట్టుబడితో వేసవిలో దోసకాయ, కొత్తిమీర సాగు చేయవచ్చు. సమ్మర్‌లో వీటికి డిమాండ్ ఎక్కువగా ఉంటుంది కాబట్టి కేవలం 40 రోజుల్లోనే చేతికొచ్చే ఈ పంటతో మీరు లక్షల్లో ఆదాయం పొందవచ్చు.

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.