RRR లో రామ్ చరణ్ కి ఛాన్స్ రావటానికి కారణం ఆ హీరోనా?

బాహుబలి తర్వాత రాజమౌళి తీయబోయే మల్టీస్టారర్ సినిమా పైనే ఇప్పుడు అందరి దృష్టి నెలకొంది. ఈ సినిమా ఇంకా సెట్స్ మీదకు వెళ్లకముందే రకరకాల ఊహాగానాలు వచ్చాయి. సినిమా ప్రకటించిన నాటి నుంచి రోజుకో స్టోరీ బయటకు వస్తోంది. వాటిలో ఏది వాస్తవం కాదని తెలుస్తోంది. ఇక ఈ సినిమా విషయంలో రాంచరణ్ కు హీరోగా అవకాశం దక్కడం వెనుక పెద్ద కథనే నడిచిందని ప్రస్తుతం టాక్ వినిపిస్తోంది.తారక్ అంటే రాజమౌళికి ఎంతో ఇష్టం. ఆ మధ్య బాహుబలి ప్రచారం కోసం చెన్నై వెళ్లినప్పుడు రాజమౌళి తన ఫేవరెట్ హీరో ఎన్టీఆర్ అని బహిరంగంగా ప్రకటించాడు. రాజమౌళి-ఎన్టీలు కలిసి ‘స్టూడెంట్ నంబర్ 1’ సినిమాతోనే తమ సినీ ప్రయాణాన్ని ప్రారంభించడంతో వారిద్దరికి ఒకరంటే ఒకరికి చాలా ప్రేమ.

బాహుబలి తర్వాత రాజమౌళి ఎన్టీఆర్ తో సినిమా చేయాలని ప్లాన్ చేశాడట.. కానీ తన దగ్గరకు వచ్చిన ఓ మల్టీస్టారర్ కథను ఎన్టీఆర్ తో చర్చించాడట.. అయితే ఎన్టీఆర్ ఆ స్క్రిప్ట్ మీద మనసు పడటంతో మరో హీరో కోసం వెతికారట. ఇక ఎన్టీఆర్ సలహా మేరకే రాజమౌళి రాంచరణ్ ను ఈ ప్రాజెక్ట్ కు ఎంపిక చేశారని అంటున్నారు.

రాజమౌళి , ఎన్టీఆర్ ఇద్దరూ ప్రాణ స్నేహితులే.. బయటకు స్టోరీ తెలియదని చెబుతున్నా ఎన్టీఆర్ , రాంచరణ్ లకు ట్రిపుల్ ఆర్ స్టోరీ లైన్ చెప్పాడట రాజమౌళి. డీవీవీ దానయ్య నిర్మిస్తున్న ఈ సినిమా 150 కోట్ల బడ్జెట్ తో తెలుగు, తమిళ, హిందీ భాషల్లో రిలీజ్ చేస్తారని తెలుస్తోంది. అక్టోబర్ నుంచి సెట్స్ మీదకు వెళ్లనున్న ఈ సినిమాలో కీర్తి సురేష్, రష్మిక మందనా హీరోయిన్లుగా ఎంపిక చేశారట..

ఎన్టీఆర్ గ్యాంగ్ స్టర్ గా రాంచరణ్ పోలీస్ గా కనిపించనున్నాడని సమాచారం. బాహుబలి రేంజ్ కు ఏమాత్రం తగ్గకుండా ఈ సినిమా తెరకెక్కించే ఆలోచనలో ఉన్నాడట రాజమౌళి. మరి ఈ క్రేజీ మల్టీస్టారర్ బాహుబలి రికార్డులను బీట్ చేస్తుందా లేదా అన్నది చూడాలి.