బాలయ్య ఈ యాక్టర్ ని రికమెండ్ చేసాడట…ఆ యాక్టర్ ఎవరో తెలుసా?
నందమూరి బాలకృష్ణ చాలా గ్యాప్ తరువాత తన తాజా చిత్రాన్ని మాస్ చిత్రాల దర్శకుడు బోయపాటి శ్రీను డైరెక్షన్లో ప్రారంభించిన సంగతి తెలిసిందే.అయితే ఈ సినిమా షూటింగ్ చాలా ఆలస్యం అవుతుండటంతో చిత్ర యూనిట్ ఆందోళన చెందుతోంది.
ఇప్పటి వరకు కేవలం తొలి షెడ్యూల్ను మాత్రమే పూర్తి చేసుకున్న చిత్ర యూనిట్, నటీనటుల వేటలో చాలా బిజీగా ఉన్నారు.ఇక ఈ సినిమాలో బాలయ్య రెండు విభిన్న పాత్రల్లో మనకు కనిపిస్తాడు.అయితే ఈ సినిమాలో ఓ కీలక పాత్రలో నటించేందుకు ఎవరిని తీసుకోవాలా అనే సందిగ్ధంలో ఉన్న చిత్ర యూనిట్కు బాలయ్య ఒక యాక్టర్ను రికమెండ్ చేశాడట.టాలీవుడ్లో విలక్షణమైన పాత్రలు చేస్తూ తనకంటూ ప్రత్యేక గుర్తింపును సాధించుకున్న నటుడు రావు రమేష్ పేరును బాలయ్య రికమెండ్ చేసినట్లు తెలుస్తోంది.
బోయపాటి కూడా బాలయ్య మాటకు వెంటనే ఒప్పుకుని రావు రమేష్ను ఈ సినిమాలోకి తీసుకున్నట్లు తెలుస్తోంది.బాలయ్య-రావు రమేష్ల మధ్య రాబోయే సన్నివేశాలు చాలా బాగుంటాయని చిత్ర యూనిట్ ధీమా వ్యక్తం చేస్తోంది.మొత్తానికి బాలయ్య మాటను బోయపాటి తూచా తప్పకుండా పాటిస్తున్నట్లు కనిపిస్తుంది.ఇటీవల ఈ సినిమా హీరోయిన్ విషయంలోనూ శ్రీయా పేరును బాలయ్య రికమెండ్ చేయడం, బోయాపాటి ఒప్పుకోవడం తెలిసిన సంగతే.