సుడి అంటే అల్లు అరవింద్ దే…అలా.. డబ్బులు వస్తూనే ఉన్నాయ్
సుడి అంటే అల్లు అరవింద్ దే. తనయుడి తో తీసిన `అల వైకుంఠపురములో` సినిమా బ్లాక్ బ్లస్టర్ అయ్యింది. టాప్ 2 లో నిలిచింది. చాలా చోట్ల బాహుబలి రికార్డుల్ని కొట్టేసింది. ఈ సినిమాతో భారీ లాభాల్ని ఆర్జించారు అరవింద్. ఇప్పుడు రీమేక్ రూపంలోనూ మంచి డబ్బులొస్తున్నాయి. ఇటీవల హిందీ హక్కుల్ని రూ.7 కోట్లకు అమ్మేశారు. అది చాలా మంచి మొత్తం. ఇప్పుడు తమిళ హక్కులూ అమ్ముడుపోయాయి.
ఈ సినిమాని ఓ ప్రముఖ తమిళ నిర్మాత 3 కోట్లు వెచ్చించి కొనుక్కున్నాడు. ఈ తమిళ రీమేక్ లో శివ కార్తికేయన్ని కథానాయకుడిగా ఎంచుకుంటారని టాక్. దర్శకుడు, ఇతర నటీనటులు సాంకేతిక నిపుణుల ఎంపిక జరగాల్సివుంది. హిందీలో బన్నీ పాత్రని అక్షయ్ కుమార్ పోషిస్తున్నాడని టాక్. మొత్తానికి అల వైకుంఠపురములో సినిమాకి ఇప్పటికీ డబ్బులు వస్తూనే ఉన్నాయి. హిట్ సినిమా తీస్తే అంతే కదా మరి.