ఎఫ్3లో సర్ప్రైజ్.. ఎవరో తెలుసా?
టాలీవుడ్లో తెరకెక్కిన మల్టీస్టారర్ మూవీ ఎఫ్2 గతేడాది సంక్రాంతి బరిలో రిలీజ్ అయ్యి బాక్సాఫీస్ వద్ద సెన్సేషనల్ హిట్ మూవీగా నిలిచింది. దర్శకుడు అనిల్ రావిపూడి డైరెక్ట్ చేసిన ఈ సినిమా పూర్తి కామెడీ ఎంటర్టైనర్గా తెరకెక్కి బాక్సాఫీస్ వద్ద సెన్సేషన్ క్రియేట్ చేసింది.ఇక ఈ సినిమాలో విక్టరీ వెంకటేష్, మెగా ప్రిన్స్ వరుణ్ తేజ్ కలిసి నటించడంతో వారిద్దరు తమదైన కామెడీ టైమింగ్తో సినిమాను అదరగొట్టారు.కాగా ఈ సినిమా ప్రేక్షకులను మెప్పించడంలో పూర్తి సక్సెస్ అయ్యింది.
ముఖ్యంగా వెంకీ కామెడీ టైమింగ్కు జనాలు ఫిదా అయ్యారు.అటు ఈ సినిమా ఇచ్చిన భారీ సక్సెస్తో ఈ సినిమాకు ఖచ్చితంగా సీక్వెల్ ఉంటుందని గతంలోనే అనౌన్స్ చేశాడు దర్శకుడు అనిల్ రావిపూడి.కాగా ఇప్పుడు ఈ సీక్వెల్ చిత్రాన్ని తెరకెక్కించే పనిలో పడ్డాడు.ఇప్పటికే స్క్రిప్టు పనులు కూడా పూర్తి చేస్తున్న అనిల్ రావిపూడి, లాక్డౌన్ తరువాత ఈ సినిమాను పట్టాలెక్కించే పనిలో పడ్డాడు.
కాగా ఈ సినిమాలో ఓ స్టార్ హీరో కేమియో ఉంటుందని తెలుస్తోంది.ఆ స్టార్ హీరో ఎవరా అనే ఆసక్తి సర్వత్రా నెలకొంది.అయితే మహేష్కు సరిలేరు నీకెవ్వరు లాంటి బ్లాక్బస్టర్ అందించడంతో ఆయనే ఈ సినిమాలో గెస్ట్ అపియరెన్స్ ఇస్తాడని చిత్ర వర్గాల్లో చర్చ నడుస్తోంది.మరి ఈ సినిమాలో గెస్ట్ రోల్లో వచ్చే ఆ హీరో ఎవరో చూడాలి.