బిగ్ బాస్ లో ఈ సారి పారితోషికాలను ఎలా ఇస్తున్నారో తెలుసా ?
తెలుగులోనే అతి పెద్ద రియాలిటీ షో.. బిగ్ బాస్. ఇప్పటి వరకూ వచ్చిన మూడు సీజన్లూ సూపర్ హిట్లయ్యాయి. ఇప్పుడు నాలుగో సీజన్ మొదలు కావటానికి సిద్ధంగా ఉంది. ఈ నాల్గో సీజన్ ఎప్పుడో మొదలు కావాల్సింది. కానీ కరోనా కారణంగా వాయిదా పడింది. ఆగస్టు లో బిగ్ బాస్ ప్రారంభం కానున్నది. బిగ్ బాస్ సీజన్ మొదలయ్యే ప్రతీసారీ… ఓ భారీ ప్రెస్ మీట్ పెట్టి, మీడియాని ఆహ్వానించడం అలవాటు. కానీ ఈసారి.. అలా ఏం లేదు. సింపుల్ గా లాంచ్ చేద్దామని అనుకుంటున్నారు.
బిగ్ బాస్ లో పార్టిసిపేట్ చేసే లిస్ట్ సెట్ అయింది. ఈ సారి షో 50 రోజులు జరుగుతుంది. పారితోషికాల్లో కూడా భారీగా కోత పడనున్నదని సమాచారం. ఇది వరకు రోజుకి ఇంత అని ఇచ్చేవారు. ఇప్పుడు అందులో సగం మాత్రమే ముట్టజెబుతున్నారని తెలుస్తోంది. స్పాన్సర్లు పెద్దగా ఆసక్తి చూపించడం లేదని, వచ్చినా ఇది వరకటిలా భారీ మొత్తాలు వెచ్చించడానికి ఇష్టపడడం లేదని సమాచారం. దాంతో.. బడ్జెట్ తగ్గింది. ఈ సీజన్కి నాగార్జున హోస్ట్ గా వ్యవహరించబోతున్న సంగతి తెలిసిందే.