లాక్డౌన్ ఎఫెక్ట్.. కార్తీక దీపంతో పాటు అన్ని సీరియల్స్ బంద్..
Lockdown effect on Serials : తెలంగాణలో ఉదయం పది గంటల నుండి లాక్డౌన్ నిబంధనలు అమలులోకి వచ్చాయి. పది రోజులు లాక్ డౌన్ అమలులో ఉండగా పది రోజుల తర్వాత పరిస్థితిని బట్టి నిర్ణయం తీసుకుంటారు. కరోనా సెకండ్ వేవ్ ప్రభావం సినిమాల పై పడిన సీరియల్ లపై పడలేదు. గత సంవత్సరం లాక్ డౌన్ పెట్టినప్పుడు సీరియల్ షూటింగ్ లు ఆగిపోయాయి. ఇప్పుడు తెలంగాణలో లాక్ డౌన్ పెట్టడంతో సీరియల్స్ షూటింగ్ ఆగిపోతే సీరియళ్లు రియాలిటీ షోలు ఆగిపోతాయి. ఇప్పటికే షూటింగ్ పూర్తయిన ఎపిసోడ్లు కొన్ని రోజులు ప్రసారం అవుతాయి ఆ తర్వాత ఆగిపోయే అవకాశం ఉంది
గత మూడు వారాలుగా కేసులు భారీగా పెరగటంతో లాక్ డౌన్ పెట్టారు. అలాగే ఇండస్ట్రీలో కూడా కరోనా పాజిటివ్ కేసులు భారీగా పెరుగు తున్నాయి. కోవిడ్ నిబంధనల ప్రకారమే ఆర్ఎఫ్సీతో పాటు హైదరాబాద్లోని పలు స్టూడియోస్లో సీరియల్స్ షూటింగ్స్ జరుగుతున్నాయి. అయిన కొంత మంది సీరియల్ నటులు వరసగా కోవిడ్ బారిన పడుతున్నారు. ఇప్పటికే చాలా మంది సీరియల్ నటులు కరోనా బారిన పడ్డారు.
కార్తీక దీపంతో పాటు మరిన్ని సీరియల్స్ షూటింగ్స్ కూడా ఇప్పటికే ఆగిపోయినట్లు వార్తలు వస్తున్నాయి. ఈ 10 రోజులు పాత ఎపిసోడ్స్ ప్లే చేస్తారా.. లేదంటే ముందుగానే షూటింగ్ చేసి పెట్టుకున్నారా అనేది చూడాలి. ఏది ఏమైనా సీరియల్ అభిమానులకు చేదు వార్తే.