జేమ్స్ బాండ్ గా కృష్ణను సెలెక్ట్ చేయడానికి కారణం అదే

Krishna Gudachari 116 Telugu Movie :టాలీవుడ్ జేమ్స్ బాండ్ ఎవరని ప్రశ్న ఉదయిస్తే సూపర్ స్టార్ కృష్ణ పేరు ఠక్కున చెబుతారు. అంతలా పాపులర్టీ వచ్చేసింది. డూండి నిర్మాతగా పానిక్ ఇన్ బ్యాంకాక్ అనే మూవీ స్పూర్తితో తీసిన గూఢచారి 116కి ఆరుద్ర రచన చేసారు. తెలుగు నేటివిటీకి తగ్గట్టు ఆరుద్ర రచన చేస్తే, మల్లికార్జున రావు తనదైన శైలిలో తెరకెక్కించారు. అచ్చం జేమ్స్ బాండ్ లా కృష్ణ సూటయ్యాడు.

ఆ సినిమా హిట్ కొట్టడంతో ఇక వరుస పెట్టి జేమ్స్ బాండ్ మూవీస్ కి కృష్ణ హీరో అయ్యాడు. అయితే జేమ్స్ బాండ్ సినిమాకు కృష్ణ పనికొస్తాడని ముందుగా గుర్తించి సెలక్ట్ చేసింది స్వయంగా నిర్మాత డూండీయే. కొత్త నటులతో ఆదుర్తి సుబ్బారావు తీసిన తేనెమనసులు సినిమాకు కృష్ణ తో పాటు రామ్మోహన్ కూడా ఎంపికయ్యాడు. ఆ సినిమాలో కారుని బైక్ తో ఛేజ్ చేసే దృశ్యంలో డూప్ లేకుండా కృష్ణ నటించి,కారులోకి జంప్ చేస్తాడు.

సరిగ్గా ఈ సీన్ డూండిని ఆకర్షించింది. దాంతో తాను తీయబోయే సినిమాకు కృష్ణను హీరోగా పెడుతున్నట్లు ఆదుర్తికి డూండి ఫోన్ చేయడం, అయితే రామ్మోహన్ ని అనుకుని అతడిని పంపడం,దాంతో మరోసారి ఫోన్ చేసి విషయం చెప్పడంతో కృష్ణను పంపడం జరిగిందట. అలా జేమ్స్ బాండ్ రోల్ కి కృష్ణ సైన్ చేసాడు. అలా మూడో సినిమాగా గూఢచారి 116చేసి హిట్ అందుకున్న కృష్ణ జేమ్స్ బాండ్ మూవీస్ కి బ్రాండ్ అంబాసిడర్ అయ్యాడు.