భోజనం తర్వాత పది నిమిషాలు నడిస్తే… ఊహించని ప్రయోజనాలు

walking after eating Benefits In telugu :ప్రతిరోజు నడిస్తే మన ఆరోగ్యానికి చాలా మంచిది ఎన్నో రకాల సమస్యల నుంచి బయట పడవచ్చు. శరీరం ఫిట్ గా ఉంటుంది. వయసుతో సంబంధం లేకుండా ఆడ మగ అనే తేడా లేకుండా ప్రతి ఒక్కరూ నడకను అలవాటుగా చేసుకోవాలని ఆరోగ్య నిపుణులు చెబుతున్నారు.

అయితే ఏ సమయంలో నడిస్తే మంచి ఫలితం వస్తుందో తెలుసుకుందాం. భోజనం చేసిన తర్వాత కేవలం పది నిమిషాల పాటు నడిస్తే ఎన్నో ప్రయోజనాలు పొందవచ్చని చెబుతున్నారు నిపుణులు. గుండెకు సంబంధించిన సమస్యలు తగ్గుతాయి. అలాగే భోజనం చేసిన వెంటనే కడుపు ఉబ్బరంగా అనిపిస్తుంది.

అందువల్ల తిన్న తరువాత పది నిమిషాలు నడిస్తే కడుపుబ్బరం తగ్గటమే కాకుండా జీర్ణ వ్యవస్థ పనితీరు మెరుగు పడి గ్యాస్,ఎసిడిటీ వంటి సమస్యలు రావు. అలాగే పొట్ట చుట్టూ కొవ్వు చేరదు. అలాగే రక్తంలో చక్కెర స్థాయిలు నియంత్రణలో ఉంటాయి. రక్తపోటు కూడా నియంత్రణలో ఉంటుంది.

ఒత్తిడి ఆందోళన టెన్షన్ వంటివి కూడా తొలగిపోతాయి. అయితే భోజనం చేసిన తర్వాత వేగంగా నడవకుండా నిదానంగా నడవాలి. వేగంగా నడిస్తే కడుపు నొప్పి వంటి సమస్యలు వచ్చే అవకాశం ఉంది అలాగే కేవలం పది నిమిషాలు లేదా 15 నిమిషాలు మాత్రమే నడవాలి. ఎక్కువ సమయం నడవకూడదు ఈ విషయాన్ని తప్పనిసరిగా గుర్తుంచుకోవాలి.

గమనిక:ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు. వీటిని వైద్య సలహాగా భావించకూడదు.