Bread masala: స్పైసీగా కరకరలాడే బ్రెడ్ మసాలా.. ఇలా చేస్తే చాలా రుచిగా..

Bread masala: స్పైసీగా కరకరలాడే బ్రెడ్ మసాలా.. ఇలా చేస్తే చాలా రుచిగా..స్కూల్, కాలేజీ, లేదా ఉద్యోగం నుండి సాయంత్రం ఇంటికి వచ్చాక ఏదో ఒక వంటకం తినాలని ఉంటుంది. ఆకలిగా ఉండుట వలన బయట ఏదైనా తిందామని అందరూ అనుకుంటూ ఉంటారు.

అయితే బయట తినడం అనేది అసలు మంచిది కాదు. కేవలం పది నిమిషాల సమయం కేటాయించి ఇంట్లో ఆరోగ్యకరమైన వంటకాలను తయారు చేయవచ్చు. అలాంటి తక్కువ సమయంలో రుచికరమైన వంటకాలలో బ్రెడ్ మసాలా ఒకటి.

బ్రెడ్ మసాలా తయారీకి అవసరమైన పదార్థాలు: బ్రెడ్ స్లైస్‌లు, అల్లం-వెల్లుల్లి పేస్ట్, ఉల్లిపాయలు, పచ్చి మిర్చి, టమాటాలు, కారం పొడి, పసుపు, ఉప్పు, జీలకర్ర పొడి, కసూరి మేతి, గరం మసాలా పొడి, కొత్తిమీర తరుగు, నిమ్మరసం, నూనె లేదా వెన్న.

బ్రెడ్ మసాలా తయారీ పద్ధతి:
మొదట బ్రెడ్ స్లైస్‌లను తీసుకొని అంచులను తీసివేయాలి. మసాలాకు బ్రెడ్ ముక్కలను కొంచెం పెద్దగా కట్ చేయాలి. తర్వాత ఒక పెనం తీసుకొని దానిలో నూనె లేదా వెన్న వేసి వేడి చేయాలి. వెన్న వాడితే అదనంగా రుచి ఉంటుంది. ఉల్లిపాయ ముక్కలు, పచ్చిమిర్చి ముక్కలు వేసి వేగాక, అల్లం వెల్లుల్లి పేస్ట్ వేసి వేగించాలి. ఆ తర్వాత టమాటాలు వేసి మృదువుగా అయ్యేవరకు ఉడకబెట్టాలి. ఇష్టమైతే క్యారెట్, క్యాప్సికం ముక్కలను కూడా జోడించవచ్చు.

ముందుగా కారం, ఉప్పు, పసుపు, గరం మసాలా, ధనియాల పొడి, జీలకర్ర పొడి వేసి బాగా కలిపి, తరువాత కొత్తిమీర, కసూరి మేతీ కూడా జోడించి కలపాలి. ఆ తరువాత కట్ చేసిన బ్రెడ్ ముక్కలను వేసి, వాటిని క్రిస్పీగా మారేంత వరకు ఫ్రై చేయాలి. చివరగా నిమ్మరసం జల్లి సర్వ్ చేయాలి. అలా రుచికరమైన బ్రెడ్ మసాలా సిద్ధమవుతుంది.

Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x

Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ