Vinayaka Chavithi: వినాయక చవితి రోజున ఏమి చేయాలి? ఏమి చేయకూడదో తెలుసుకోండి..

Vinayaka Chavithi: హిందూ క్యాలెండర్ ప్రకారం ప్రతి ఏడాది భాద్రపద మాసంలో శుక్ల పక్ష చతుర్థి తిథిని వినాయక చవితిగా ఆచరిస్తారు. గణేశ చతుర్థి నుండి అనంత చతుర్దశి వరకు గణేశుడికి పూజలు జరుపుతారు. భాద్రపద మాసం గణేశుడికి అంకితమైనది. ఈ మాసంలో ఆయనను పూజించడం అత్యంత శుభప్రదమైనది మరియు ఫలప్రదమైనది.

ఈ సంవత్సరం వినాయక చవితి పండుగ సెప్టెంబర్ 7 శనివారం నాడు జరుపుకుంటున్నాం. ఆ రోజున భక్తులు వినాయక విగ్రహాన్ని స్థాపించి పూజలు చేస్తారు. గణపతి విగ్రహ నిమజ్జనం అనగా విగ్రహానికి వీడ్కోలు సెప్టెంబర్ 17 మంగళవారం అనంత చతుర్దశి నాడు జరుగుతుంది.

సెప్టెంబర్ 7న వినాయక చవితి పూజ మరియు విగ్రహ ప్రతిష్ఠాపనకు ఉదయం 11:03 నుంచి మధ్యాహ్నం 1:34 వరకు అనుకూల సమయం ఉంది. ఈ సమయంలో 2 గంటల 31 నిమిషాల పాటు వినాయకుడి ఆరాధన మరియు విగ్రహ ప్రతిష్ఠాపన చేయవచ్చు.

వినాయక చవితినాడు పాటించవలసిన ఆచారాలు
మీ ఇంటిలో గానీ పూజా మందిరంలో గానీ గణేశుడి అందమైన విగ్రహాన్ని స్థాపించండి. వినాయకుడిని అలంకరించి సంప్రదాయ ఆచారాలతో పూజించండి.

వినాయక చవితి నాడు ఆచారాల ప్రకారం గణేశుడిని ఇంటి ఈశాన్య మూలలో స్థాపించండి. ఈ దిశలో గణేశుడి పూజ శుభఫలితాలను ఇస్తుంది.

గణేశుడికి ఎరుపు రంగు ప్రియం. కాబట్టి గణపతిని ఎరుపు రంగు వస్త్రంపై స్థాపించి ఎరుపు వస్త్రాలను ధరించండి. పూజలో ఎరుపు వస్త్రాలు, ఎరుపు పూలు, పండ్లు, ఎర్ర చందనం వాడండి.

గణేశుని ఆరాధనలో దర్భ గడ్డి, పూలు, పండ్లు, దీపాలు, అగరుబత్తీలు, గంధం, కుంకుమ, అలాగే వినాయకుడికి ఇష్టమైన లడ్డూలు, మోదకాలను సమర్పించండి.

గణపతి ఆరాధనలో “ఓం గం గణపతయే నమః” అనే గణేశ మంత్రాన్ని పది రోజుల పాటు జపించండి.

వినాయక చవితి రోజున చేయకూడని పనులు
గణేష్ చతుర్థి రోజున ఇంట్లో పొరపాటున కూడా సగం నిర్మించిన లేదా విరిగిన గణేశుడి విగ్రహాన్ని ప్రతిష్టించడం లేదా పూజించడం చేయకండి. అది అశుభంగా పరిగణించబడుతుంది.

గణపతి పూజలో తులసి దళాలను లేదా మొగలి పువ్వులను పొరపాటున కూడా ఉపయోగించకూడదు. అలా చేయడం వల్ల పూజల ఫలితాలు రావు అని విశ్వాసం.

గణేష్ చతుర్థి రోజున ఉపవాసం ఉండే వ్యక్తి శరీరం, మనస్సు స్వచ్ఛంగా ఉండాలి. బ్రహ్మచర్యం పాటించాలి.

గణేష్ చతుర్థి రోజుల్లో తామసిక ఆహారాలను తినకూడదు.

గణేష్ చతుర్థి సందర్భంగా కుటుంబ సభ్యులతో గొడవపడకూడదు. కోపం తెచ్చుకోకూడదు.

వినాయక చవితి పూజా విధానం కోసం, ముందుగా శుభ్రమైన మరియు నిశ్శబ్దమైన ప్రదేశంలో పీఠం సిద్ధం చేసి, గణేశుడి విగ్రహం లేదా చిత్రపటం ప్రతిష్ఠించాలి. గంగాజలంతో విగ్రహాన్ని పవిత్రం చేసి, కుంకుమ, చందనం, పూలతో అలంకరించాలి. వినాయకుని తొండంపై కుంకుమ చందనం పూసి, దర్భలను అర్పించాలి.

ఆపై, నెయ్యి దీపం మరియు ధూపం వెలిగించి, గణేశుడికి కుడుములు, ఉండ్రాళ్ళు, పండ్లను నైవేద్యంగా సమర్పించాలి. పూజ ముగిసిన తర్వాత గణపతికి హారతి ఇచ్చి, ‘ఓం గం గణపతయే నమః’ అనే మంత్రం జపించాలి. ఈ విధంగా పూజించడం ద్వారా గణపతి పూజా ఫలితం పొందవచ్చు.

గమనిక:ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు.

Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x

Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ