Bottle Gourd Dosa : ఎప్పుడూ తినే దోసలు బోర్ కొడితే అప్పటికప్పుడు వేసే “సోరకాయ దోశ” ట్రై చేయండి

Bottle Gourd Dosa : ఎప్పుడూ తినే దోసలు బోర్ కొడితే అప్పటికప్పుడు వేసే “సోరకాయ దోశ” ట్రై చేయండి.. రోజూ మనం వివిధ రకాల బ్రేక్‌ఫాస్ట్‌లను తయారు చేస్తూ ఉంటాము. ఇడ్లీ, దోసె, ఉప్మా వంటి నానా రకాల బ్రేక్‌ఫాస్ట్‌లను తయారు చేసి తింటాము. వీటిలో దోసె ఒకటి.

దోసెల్లో ఎన్నో రకాలు ఉన్నాయి—ఉల్లిపాయ దోసె, మసాలా దోసె, చీజ్ దోసె, ప్లెయిన్ దోసె వంటివి. దోసెలను ఇంట్లో చాలా సులభంగా తయారు చేసుకోవచ్చు. రుచికరమైనవి మాత్రమే కాకుండా, ఆరోగ్యాన్ని కాపాడే దోసెలూ ఉన్నాయి. అలాంటివాటిలో సొరకాయ దోసె ఒకటి. ఈ దోసెను సులభంగా తయారు చేయవచ్చు. దీన్ని ఎలా తయారు చేయాలి, దానికి కావాల్సిన పదార్థాలు ఏమిటి అనే వివరాలను ఇప్పుడు తెలుసుకుందాం.

సొరకాయ దోసె తయారీకి కావాల్సిన పదార్థాలు:
సొరకాయ – 1
బియ్యం పిండి – 1½ కప్పు
రవ్వ – ½ కప్పు
ఉప్పు – తగినంత
నీరు – సరిపడా
తరిగిన ఉల్లిపాయలు – 1 కప్పు
తరిగిన పచ్చిమిర్చి – 1 టీస్పూన్
జీలకర్ర – 1 టీస్పూన్
తరిగిన కొత్తిమీర – తగినంత

సొరకాయ దోసె తయారీ విధానం:
ముందుగా సొరకాయను చెక్కు తీసి చిన్న ముక్కలుగా కోయాలి.ఈ ముక్కలను మిక్సీలో వేసి మెత్తని గుజ్జుగా చేయాలి.ఒక గిన్నెలో సొరకాయ గుజ్జు, బియ్యం పిండి, రవ్వ, ఉప్పు వేసి దోసె పిండి సాంద్రతకు తగినట్లు కలపాలి.

ఈ మిశ్రమంలో జీలకర్ర, తరిగిన ఉల్లిపాయలు, పచ్చిమిర్చి, కొత్తిమీర వేసి బాగా కలపాలి.పెనం మీద ఈ పిండిని దోసెలా పోసి, 3 నిమిషాల తర్వాత తీసేయాలి. ఇలా సొరకాయ దోసె సిద్ధమవుతుంది.

సర్వింగ్ సూచనలు:
సొరకాయ దోసెను పల్లీ చట్నీ, కొబ్బరి చట్నీ, టమాటా చట్నీ వంటి వాటితో తినవచ్చు. ఈ దోసెలో సొరకాయ ఎక్కువగా ఉపయోగించడం వల్ల విటమిన్లు, ఐరన్, పొటాషియం వంటి పోషకాలు సమృద్ధిగా లభిస్తాయి. ఈ దోసె తినడం ద్వారా బరువు తగ్గడానికి సహాయపడుతుంది, ముఖ్యంగా బరువు తగ్గాలనుకునే వారికి ఇది చాలా ఉపయోగకరం. షుగర్ ఉన్నవారు కూడా ఈ దోసెను నిరభ్యంతరంగా తినవచ్చు. ఇది పోషకాలతో పాటు శక్తిని కూడా అందిస్తుంది.