Mushroom Masala Curry:”మష్రూమ్ కర్రీ”ని ఇలా చేసుకుంటే చికెన్ కర్రిలా రుచిగా తినేయచ్చు
Mushroom Masala Curry:”మష్రూమ్ కర్రీ”ని ఇలా చేసుకుంటే చికెన్ కర్రిలా రుచిగా తినేయచ్చు.. పుట్టగొడుగులు ఆరోగ్యానికి ఎంతో మేలు చేస్తాయి. అయితే, వీటిని ఎలా వండాలో చాలా మందికి తెలియదు. ఈ సందేహాన్ని తీర్చడానికి, రుచికరమైన మష్రూమ్ మసాలా కూరను ఎలా తయారు చేయాలో ఇప్పుడు తెలుసుకుందాం.
మష్రూమ్ మసాలా తయారీకి కావలసిన పదార్థాలు:
పుట్టగొడుగులు – 200 గ్రాములు
క్యాప్సికమ్ ముక్కలు – 1 కప్పు
టమాటా ముక్కలు – 2½ కప్పులు
ఉల్లిపాయ ముక్కలు – 1 కప్పు
వెల్లుల్లి ముద్ద – 1 టేబుల్ స్పూన్
గరం మసాలా – 1 టీస్పూన్
కసూరి మెంతి – 1 టీస్పూన్
మీగడ – 2 టేబుల్ స్పూన్లు
కొత్తిమీర తురుము – కొద్దిగా
ధనియాలు – 1 టేబుల్ స్పూన్
ఎండు మిర్చి – 4
నూనె – 2 టేబుల్ స్పూన్లు
తయారీ విధానం:
ఒక బాణలిలో ధనియాలు, ఎండు మిర్చి వేసి వేయించి, చల్లారిన తర్వాత పొడి చేయాలి.నాన్స్టిక్ పాన్లో నూనె వేసి, కాగిన తర్వాత ఉల్లిపాయ ముక్కలు వేసి వేగనివ్వాలి.ఉల్లిపాయలు వేగిన తర్వాత వెల్లుల్లి ముద్ద వేసి, ఒక నిమిషం వేయించి, ధనియాలు-ఎండు మిర్చి పొడి వేసి మరో నిమిషం వేయించాలి.
ఇప్పుడు సన్నగా తరిగిన టమాటా ముక్కలు, ఉప్పు వేసి మెత్తగా ఉడికించాలి.టమాటాలు ఉడికిన తర్వాత క్యాప్సికమ్ ముక్కలు, పుట్టగొడుగుల ముక్కలు వేసి ఉడికించాలి.పుట్టగొడుగుల నీరు ఆవిరై, అవి బాగా ఉడికిన తర్వాత గరం మసాలా, కసూరి మెంతి వేసి కలపాలి.
చివరగా కొత్తిమీర తురుము, మీగడ వేసి దించేయాలి.
ఇలా చేస్తే సుగంధభరితమైన మష్రూమ్ మసాలా రెడీ! దీన్ని వేడి వేడి చపాతీలతో సర్వ్ చేస్తే రుచి అద్భుతంగా ఉంటుంది.