Pumpkin Halwa : టేస్టీ హెల్తీ “గుమ్మడికాయ హల్వా” నొట్లో వెన్నలాకరిగిపొయేలా…

Pumpkin Halwa : టేస్టీ హెల్తీ “గుమ్మడికాయ హల్వా” నొట్లో వెన్నలాకరిగిపొయేలా… గుమ్మడికాయలు పోషకాల గని అని అందరికీ తెలిసిన విషయమే. వీటిని ఆహారంలో చేర్చుకోవడం వల్ల అనేక ఆరోగ్య ప్రయోజనాలు పొందవచ్చు. గుమ్మడికాయలు మరియు వాటి విత్తనాలు శక్తిని అందించడమే కాక, వ్యాధుల నుంచి కాపాడతాయి.

అయితే, చాలా మంది గుమ్మడికాయను నేరుగా వండుకుని తినడానికి ఇష్టపడరు. కానీ, రుచికరంగా వండితే దీన్ని ఆస్వాదిస్తూ తినవచ్చు, అదే సమయంలో దానిలోని పోషకాలు కూడా లభిస్తాయి. ఈ సందర్భంలో, గుమ్మడికాయతో రుచికరమైన హల్వాను ఎలా తయారు చేయాలో తెలుసుకుందాం.

గుమ్మడికాయ హల్వా తయారీకి కావలసిన పదార్థాలు:
గుమ్మడికాయ ముక్క – అర కిలో
నెయ్యి – 2 టీస్పూన్లు
జీడిపప్పు – 10 గ్రాములు
ఎండుద్రాక్ష – 10 గ్రాములు
చక్కెర – 150 గ్రాములు
కోవా – 3 టీస్పూన్లు
యాలకుల పొడి – పావు టీస్పూన్

గుమ్మడికాయ హల్వా తయారు చేసే విధానం:
ముందుగా గుమ్మడికాయ పొట్టును తొలగించి, దాన్ని సన్నగా తురుముకోవాలి.ఒక పాన్ తీసుకుని, అందులో నెయ్యి వేసి కాగిన తర్వాత జీడిపప్పు, ఎండుద్రాక్షలను వేసి వేయించి పక్కన పెట్టుకోవాలి.అదే పాన్‌లో గుమ్మడికాయ తురుమును వేసి, 10 నిమిషాల పాటు బాగా వేయించాలి. తర్వాత మూత పెట్టి, తురుము మెత్తగా ఉడికే వరకు ఆవిరిమీద ఉంచాలి.

ఆ తర్వాత చక్కెర వేసి, మిశ్రమం గట్టిపడే వరకు మరో 10 నిమిషాలు వేయించాలి.ఇప్పుడు వేయించిన జీడిపప్పు, ఎండుద్రాక్ష, కోవా, యాలకుల పొడిని వేసి, మరో 5 నిమిషాలు వేయించాలి.ఇలా చేయడం వల్ల రుచికరమైన గుమ్మడికాయ హల్వా సిద్ధమవుతుంది.

ఈ హల్వా రుచిలో అద్భుతంగా ఉండడమే కాక, ఆరోగ్యానికి కూడా ఎంతో మేలు చేస్తుంది. చక్కెరకు బదులుగా బెల్లం ఉపయోగించి కూడా ఈ హల్వాను తయారు చేయవచ్చు. ఇది అధిక బరువు లేదా షుగర్ సమస్య ఉన్నవారికి కూడా అనుకూలమైన ఎంపిక.