Tomato Pachi Mirchi Pachadi: పల్లెటూరి స్టైల్ లో పచ్చిమిర్చి టమాటో రోటి పచ్చడి..

Tomato Pachi Mirchi Pachadi: పల్లెటూరి స్టైల్ లో పచ్చిమిర్చి టమాటో రోటి పచ్చడి.. మనం వంటింట్లో రకరకాల పచ్చళ్లను తయారు చేస్తూ ఉంటాం. చాలా మందికి అన్నం తినేటప్పుడు ఏదో ఒక రకమైన పచ్చడి తప్పనిసరిగా ఉండాలి. నిల్వ పచ్చళ్లను తయారు చేసుకునే అవకాశం అందరికీ ఉండకపోవచ్చు.

అందుకే, చాలా సులభంగా, తక్కువ సమయంలో తయారయ్యే పచ్చళ్లను అప్పటికప్పుడు చేసుకుని తింటారు. అలాంటి పచ్చళ్లలో మొదట గుర్తుకు వచ్చేది టమాట పచ్చి మిరపకాయ పచ్చడి. ఇది రుచికరంగా ఉండడమే కాక, చాలా తక్కువ సమయంలో సిద్ధం చేయవచ్చు. ఈ పచ్చడిని ఎలా తయారు చేయాలో ఇప్పుడు తెలుసుకుందాం.

టమాట పచ్చి మిర్చి పచ్చడి తయారీకి కావలసిన పదార్థాలు:
టమాటాలు – 6 (మధ్యస్థ పరిమాణం)
పచ్చి మిరపకాయలు – 15 నుంచి 20
పెద్దగా తరిగిన ఉల్లిపాయ – 1
వెల్లుల్లి రెబ్బలు – 10
కరివేపాకు – 1 రెమ్మ
తరిగిన కొత్తిమీర – కొద్దిగా
పచ్చి చింతకాయ పచ్చడి – 2 టేబుల్ స్పూన్లు
ఉప్పు – రుచికి సరిపడా
నూనె – 2 టేబుల్ స్పూన్లు
ఆవాలు – అర టీ స్పూన్
జీలకర్ర – అర టీ స్పూన్

టమాట పచ్చి మిర్చి పచ్చడి తయారీ విధానం:
ముందుగా టమాటాలను శుభ్రంగా కడిగి నాలుగు ముక్కలుగా కోయాలి.ఒక కళాయిలో 1 టేబుల్ స్పూన్ నూనె వేసి, నూనె వేడి అయ్యాక పచ్చి మిరపకాయలను వేసి 5 నిమిషాల పాటు వేయించాలి.తర్వాత టమాటాలు, ఉల్లిపాయ ముక్కలను వేసి కలిపి, మూత పెట్టి మధ్యస్థ మంటపై టమాటాలు పూర్తిగా ఉడికే వరకు ఉంచాలి. స్టవ్ ఆఫ్ చేసి, టమాటాలు పూర్తిగా చల్లారే వరకు పక్కన పెట్టుకోవాలి.

చల్లారిన తర్వాత వీటిని ఒక మిక్సీ జార్‌లో వేయాలి. అందులో వెల్లుల్లి రెబ్బలు, తరిగిన కొత్తిమీర, పచ్చి చింతకాయ పచ్చడి, రుచికి సరిపడా ఉప్పు వేసి కచ్చాపచ్చాగా మిక్సీలో రుబ్బుకోవాలి. రుబ్బిన పచ్చడిని ఒక గిన్నెలోకి తీసుకోవాలి. ఇప్పుడు ఒక కళాయిలో మిగిలిన నూనె వేసి, వేడి అయ్యాక ఆవాలు, జీలకర్ర, కరివేపాకు వేసి వేయించి, రుబ్బిన పచ్చడిలో వేసి కలపాలి.

ఇలా చేయడం వల్ల రుచికరమైన టమాట పచ్చి మిర్చి పచ్చడి సిద్ధమవుతుంది. పచ్చి చింతకాయ పచ్చడికి బదులుగా చింతపండును కూడా ఉపయోగించవచ్చు. టమాటాలను మిక్సీలో రుబ్బడం కంటే రోటిలో దంచితే మరింత రుచిగా ఉంటుంది. ఈ పచ్చడిని అన్నం, దోసె, ఇడ్లీ, ఊతప్పం, పొంగల్ వంటి వాటితో కలిపి తింటే చాలా రుచికరంగా ఉంటుంది.

టమాట ప్రయోజనాలు
టమాటాలు ప్రతి కూరలోనూ విరివిగా ఉపయోగించబడతాయి. ఆరోగ్య దృష్ట్యా, టమాటాలు అనేక పోషకాలతో నిండి ఉంటాయి. వీటిలో విటమిన్ ఎ, విటమిన్ సి, విటమిన్ కె, విటమిన్ బి6, ఫోలేట్, పొటాషియం, మాంగనీస్, మెగ్నీషియం, భాస్వరం, రాగి, ఫైబర్, ప్రోటీన్, మరియు లైకోపీన్ వంటి సేంద్రీయ సమ్మేళనాలు సమృద్ధిగా ఉంటాయి. టమాటాలు తినడం వల్ల అనేక రోగాల నుంచి రక్షణ పొందవచ్చు. టమాటాల ఆరోగ్య ప్రయోజనాల గురించి ఇప్పుడు తెలుసుకుందాం.

గుండె ఆరోగ్యం
టమాటాల్లోని లైకోపీన్ గుండె ఆరోగ్యాన్ని కాపాడుతుందని వైద్య నిపుణులు చెబుతున్నారు. గుండెను రక్షించే పోషకాలు టమాటాల్లో సమృద్ధిగా ఉంటాయి. రోజువారీ ఆహారంలో టమాటాలను చేర్చుకోవడం వల్ల గుండె ఆరోగ్యం మెరుగుపడుతుంది.

జీర్ణ సమస్యల నివారణ
టమాటాలు తినడం ద్వారా జీర్ణ సమస్యల నుంచి రక్షణ పొందవచ్చు. వీటిలో ఫైబర్ ఎక్కువగా ఉండటం వల్ల మలబద్ధకం, విరేచనాలు వంటి సమస్యలను నివారించడంలో టమాటాలు ఎంతో సహాయపడతాయి.

కంటి ఆరోగ్యం
టమాటాల్లో లుటిన్, లైకోపీన్ వంటి కెరోటినాయిడ్లు మరియు యాంటీఆక్సిడెంట్లు సమృద్ధిగా ఉంటాయి. రోజూ టమాటాలను తీసుకోవడం వల్ల కళ్లు ఆరోగ్యంగా ఉంటాయి.

చర్మం మరియు జుట్టు ఆరోగ్యం
విటమిన్లు మరియు యాంటీఆక్సిడెంట్లతో నిండిన టమాటాలను రోజువారీ ఆహారంలో చేర్చుకోవడం ద్వారా చర్మం మరియు జుట్టు ఆరోగ్యంగా ఉంటాయి. ఇవి చర్మం, జుట్టు సంబంధిత సమస్యలను కూడా తగ్గిస్తాయి.

క్యాన్సర్ నివారణ
మాలిక్యులర్ క్యాన్సర్ రీసెర్చ్ జర్నల్‌లో ప్రచురితమైన ఒక అధ్యయనం ప్రకారం, బీటా కెరోటిన్‌ను ఎక్కువ మోతాదులో తీసుకోవడం వల్ల ప్రోస్టేట్ క్యాన్సర్‌లో కణితి అభివృద్ధిని నిరోధించడంలో సహాయపడుతుంది.

అధిక రక్తపోటు
టమాటాలు అధిక రక్తపోటు ప్రమాదాన్ని తగ్గిస్తాయి. పొటాషియం సమృద్ధిగా ఉండే టమాటాలను రోజూ తీసుకోవడం వల్ల రక్తపోటు అదుపులో ఉంటుంది.

డయాబెటీస్
ఒక చిన్న కప్పు టమాటాలో సుమారు 2 గ్రాముల ఫైబర్ ఉంటుంది. ఈ ఫైబర్ డయాబెటీస్ ఉన్నవారికి కూడా సురక్షితం, ఎందుకంటే ఇది రక్తంలో చక్కెర స్థాయిలను పెంచదు.

గమనిక: ఈ సమాచారం ఇంటర్నెట్ నుంచి సేకరించబడింది. దీనిని ప్రయత్నించే ముందు సంబంధిత నిపుణుల సలహా తీసుకోవాలని కోరుతున్నాము. ఏవైనా పరిణామాలకు chaipakodi బాధ్యత వహించదు.