Business Idea: ఇంట్లోనే ఉంటూ నెలకు రూ.50 వేలు సంపాదించాలా? మహిళలకు బెస్ట్ ఆప్షన్ ఇదే!
Business Idea: ఇంట్లోనే ఉంటూ నెలకు రూ.50 వేలు సంపాదించాలా? మహిళలకు బెస్ట్ ఆప్షన్ ఇదే.. ఈ రోజుల్లో ఆడవారు కేవలం ఇంటి పనికే పరిమితం కాకూడదని భావిస్తున్నారు. సొంత కాళ్లపై నిలబడాలని కోరుకుంటున్నారు.
అలాంటి వారికి తక్కువ పెట్టుబడితో, ఎక్కువ లాభాన్ని ఇచ్చే బెస్ట్ బిజినెస్ “బ్యూటీ పార్లర్ (Beauty Parlor)”. ఒకప్పుడు కేవలం ఐబ్రోస్, ఫేషియల్ వరకే పరిమితమైన ఈ రంగం.. ఇప్పుడు స్కిన్ కేర్, బ్రైడల్ మేకప్ అంటూ భారీ పరిశ్రమగా మారింది. ఈ బిజినెస్ ఫుల్ ప్లాన్ ఏంటో చూద్దాం.
1. డిమాండ్ ఎందుకు పెరిగింది? సోషల్ మీడియా యుగంలో ప్రతి ఒక్కరూ అందంగా కనిపించాలని కోరుకుంటున్నారు. చిన్న పంక్షన్ అయినా, ఆఫీస్ మీటింగ్ అయినా గ్రూమింగ్ తప్పనిసరి అయ్యింది. అందుకే పల్లెల నుంచి సిటీల వరకు బ్యూటీ పార్లర్లకు విపరీతమైన డిమాండ్ ఉంది.
2. పెట్టుబడి ఎంత కావాలి? (Investment Plan): మీరు గ్రాండ్గా కాకుండా, ఒక మోస్తరుగా స్టార్ట్ చేయాలంటే సుమారు రూ. 1 లక్ష సరిపోతుంది.
ఎక్విప్మెంట్ (చైర్స్, మిర్రర్స్, స్టీమర్): రూ. 30,000
కాస్మెటిక్స్ & ప్రొడక్ట్స్: రూ. 25,000
ఇంటీరియర్ & సెటప్: రూ. 20,000
మార్కెటింగ్ & ఇతర ఖర్చులు: రూ. 15,000
3. ప్లేస్ ఎక్కడ? (Location):
మీకు సొంత ఇల్లు ఉండి, అందులో ఒక గది ఖాళీగా ఉంటే రెంట్ ఖర్చు పూర్తిగా మిగులుతుంది. చాలామంది గృహిణులు ఇలాగే సక్సెస్ అయ్యారు.ఒకవేళ బయట షాప్ తీసుకుంటే, చిన్న ఏరియాల్లో రూ. 10,000 – 15,000 అద్దె ఉండొచ్చు.
4. స్కిల్స్ & ట్రైనింగ్:
మీకు ఆసక్తి ఉంటే రూ. 10 వేల నుంచి 30 వేలు ఖర్చు చేసి కోర్స్ నేర్చుకోవచ్చు. బ్రైడల్ మేకప్ నేర్చుకుంటే డిమాండ్ ఎక్కువ.ఒకవేళ మీకు రాకపోయినా, ఒక బ్యూటీషియన్ను జీతానికి (నెలకు రూ. 15k – 20k) పెట్టుకుని కూడా ఈ బిజినెస్ రన్ చేయొచ్చు.
5. ఆదాయం ఎలా ఉంటుంది? (Profit Calculation): రోజుకు సగటున 6 నుంచి 8 మంది కస్టమర్లు వచ్చినా.. నెలకు రూ. 60,000 నుంచి 1,00,000 వరకు టర్నోవర్ ఉంటుంది.
కరెంట్ బిల్లు, ప్రొడక్ట్స్ ఖర్చు, స్టాఫ్ జీతం తీసేసినా.. నెలకు రూ. 30,000 నుంచి 50,000 వరకు నికర లాభం (Net Profit) మీ చేతిలో ఉంటుంది.పెళ్లిళ్ల సీజన్లో ఒక్క బ్రైడల్ మేకప్ ఆర్డర్ వచ్చినా అదనంగా రూ. 15,000 నుంచి 30,000 వరకు సంపాదించొచ్చు.
సక్సెస్ టిప్స్: కేవలం సర్వీస్ చేయడమే కాదు, కస్టమర్లకు చిన్న చిన్న బ్యూటీ టిప్స్ ఉచితంగా చెప్పండి. ఇన్స్టాగ్రామ్, వాట్సాప్ స్టేటస్ ద్వారా మీ వర్క్ ఫోటోలు పెట్టి ప్రచారం చేసుకోండి. క్వాలిటీ మెయింటైన్ చేస్తే 6 నెలల్లోనే మీరు సెటిల్ అయిపోతారు!
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
https://www.telugulifestyle.com/