IRCTC Ooty–Coonoor Tour Package: తక్కువ ఖర్చుతో ఊటీ, కునూర్ ట్రిప్.. IRCTC అదిరిపోయే ప్యాకేజీ వివరాలివే!

IRCTC Ooty–Coonoor Tour Package: తక్కువ ఖర్చుతో ఊటీ, కునూర్ ట్రిప్.. IRCTC అదిరిపోయే ప్యాకేజీ వివరాలివే.. వేసవి ఎండల నుంచి ఉపశమనం పొందేందుకు చల్లని ప్రదేశాలకు వెళ్లాలనుకుంటున్నారా? అయితే మీకు గుడ్ న్యూస్! తక్కువ బడ్జెట్‌లో దక్షిణ భారతదేశపు అందమైన హిల్ స్టేషన్లు ‘ఊటీ – కునూర్’ చుట్టి వచ్చేందుకు IRCTC ఒక అద్భుతమైన 5 రోజుల టూర్ ప్యాకేజీని ప్రకటించింది.

దొడ్డబెట్ట శిఖరం మొదలుకొని ముదుమలై అభయారణ్యం వరకు ఎన్నో అద్భుతమైన ప్రదేశాలను ఈ ట్రిప్‌లో కవర్ చేయనున్నారు. మరి ఈ ప్యాకేజీ పూర్తి వివరాలు, ధరలు ఎలా ఉన్నాయో చూద్దాం..

ప్యాకేజీ హైలైట్స్ ఇవే..
ప్యాకేజీ పేరు: ఊటీ – కునూర్ టూర్ ప్యాకేజీ
వ్యవధి: 5 రోజులు
ఎక్కడి నుంచి?: చెన్నై సెంట్రల్ స్టేషన్
ప్రయాణ తేదీ: మార్చి 19, 2026 (రాత్రి 9:05 గంటలకు ప్రారంభం)

టూర్ షెడ్యూల్ ఎలా ఉంటుందంటే?
మొదటి రోజు: చెన్నైలో రాత్రి ట్రైన్ ఎక్కితే, ఉదయం 6:20 గంటలకు మెట్టుపాళయం చేరుకుంటారు. అక్కడి నుంచి బస్సులో ఊటీలోని హోటల్‌కు తీసుకెళ్తారు.

ఊటీ సైట్ సీయింగ్: ఫ్రెషప్ అయ్యాక దొడ్డబెట్ట శిఖరం, టీ మ్యూజియం, బొటానికల్ గార్డెన్, ఊటీ సరస్సు తదితర ప్రాంతాలను సందర్శిస్తారు.

మరుసటి రోజు: పైకారా జలపాతం, ముదుమలై వన్యప్రాణుల అభయారణ్యం, ఎలిఫెంట్ క్యాంప్ (జంగిల్ సఫారీ) కు వెళ్తారు. ఆ తర్వాత రోడ్డు మార్గంలో కునూర్ వెళ్లి.. అక్కడ సిమ్స్ పార్క్, లాంబ్స్ రాక్, డాల్ఫిన్స్ నోస్ చూస్తారు.

తిరుగు ప్రయాణం: టూర్ ముగిశాక మెట్టుపాళయం చేరుకుని, రాత్రి 8:20 గంటలకు చెన్నైకి తిరుగు ప్రయాణమవుతారు. మరుసటి రోజు ఉదయం 6:25 గంటలకు చెన్నై సెంట్రల్ చేరుకోవడంతో టూర్ ముగుస్తుంది.

ప్యాకేజీ ధరల వివరాలు (ఒక్కొక్కరికి):
సింగిల్ షేరింగ్ (ఒక్కరే వెళితే) – రూ. 22,630
డబుల్ షేరింగ్ (ఇద్దరు వెళితే) – రూ. 11,830
ట్రిపుల్ షేరింగ్ (ముగ్గురు వెళితే) – రూ. 9,710

ఈ ప్యాకేజీలో ఏమేం కల్పిస్తారు?
రాను-పోను రైలు టిక్కెట్లు
హోటల్ బస (Accommodation)
ఉదయం బ్రేక్ ఫాస్ట్
లోకల్ సైట్ సీయింగ్ కోసం రవాణా సౌకర్యం

గమనిక: మధ్యాహ్నం, రాత్రి భోజనం.. అలాగే పర్యాటక ప్రదేశాల్లో ఎంట్రీ ఫీజులు, జంగిల్ సఫారీ టికెట్లు పర్యాటకులే సొంతంగా భరించాల్సి ఉంటుంది.

ఎలా బుక్ చేసుకోవాలి?
ఈ బడ్జెట్ ట్రిప్‌కు వెళ్లాలనుకునే వారు IRCTC అధికారిక వెబ్‌సైట్ లేదా IRCTC మొబైల్ యాప్ ద్వారా ఆన్‌లైన్‌లో తమ టికెట్లను బుక్ చేసుకోవచ్చు.

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.

మరిన్ని చిట్కాల కోసం కింద లింక్ ని Copy చేసి చూడండి.
https://www.telugulifestyle.com/