ముఖంపై నలుపు మాయం.. శెనగపిండితో ఇలా చేస్తే మీ చర్మం గాజులా మెరుస్తుంది!

శెనగపిండి (Besan) మన వంటింట్లో ఉండే ఒక అద్భుతమైన బ్యూటీ ప్రొడక్ట్. రసాయనాలతో కూడిన ఫేస్ వాష్‌ల కంటే సహజమైన శెనగపిండిని వాడటం వల్ల చర్మం ఎంతో కాంతివంతంగా మారుతుంది.

చర్మ సౌందర్యాన్ని మెరుగుపరుచుకోవడానికి మన పెద్దల కాలం నుండి వాడుతున్న చిట్కా శెనగపిండి. చర్మంపై ఉన్న మృతకణాలను తొలగించి, నలుపును పోగొట్టడంలో ఇది మొనగాడు. అయితే మీ చర్మ తత్వాన్ని బట్టి శెనగపిండిని ఎలా వాడాలో తెలిస్తే అద్భుతమైన ఫలితాలు పొందవచ్చు.

1. జిడ్డు చర్మం కోసం (For Oily Skin)
మీ ముఖం ఎప్పుడూ జిడ్డుగా ఉంటూ మొటిమలు వస్తున్నాయా? అయితే శెనగపిండిలో కొద్దిగా రోజ్ వాటర్ కలిపి ఫేస్ ప్యాక్ లా వేసుకోండి. ఇది చర్మంపై ఉన్న అధిక జిడ్డును పీల్చుకుని ముఖాన్ని తాజాగా ఉంచుతుంది.

2. పొడి చర్మం కోసం (For Dry Skin)
చర్మం పొడిబారిపోయి, నిర్జీవంగా ఉంటే శెనగపిండిలో పాలు లేదా మీగడ కలిపి వాడండి. ఇది చర్మానికి మంచి మాయిశ్చరైజర్‌లా పనిచేసి, ముఖాన్ని మృదువుగా మారుస్తుంది.

3. ముఖంపై నలుపు తగ్గడానికి (For Tan Removal)
ఎండవల్ల ముఖం నల్లగా మారితే.. శెనగపిండిలో చిటికెడు పసుపు, కొద్దిగా నిమ్మరసం కలిపి ప్యాక్ వేయండి. వారానికి రెండుసార్లు ఇలా చేస్తే ట్యాన్ తొలగిపోయి ముఖం తెల్లగా మారుతుంది.

4. మచ్చలు పోవాలంటే..
మొటిమల వల్ల వచ్చిన మచ్చలు ఇబ్బంది పెడుతుంటే.. శెనగపిండిలో తేనె కలిపి రాసుకోండి. తేనెలో ఉండే యాంటీ బ్యాక్టీరియల్ గుణాలు మచ్చలను క్రమంగా తగ్గిస్తాయి.

ఎలా వాడాలి?
పైన చెప్పిన మిశ్రమాల్లో మీ చర్మానికి సెట్ అయ్యే దాన్ని ఎంచుకుని ముఖానికి అప్లై చేయండి.15 నుండి 20 నిమిషాల పాటు ఆరనివ్వండి.పూర్తిగా ఆరిన తర్వాత చల్లని నీటితో ముఖాన్ని శుభ్రం చేసుకోండి.

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.

Source: chaipakodi.com