ఒక్క గ్లాస్ ‘ఎనర్జీ మిల్క్’.. 60 ఏళ్లలోనూ 20లా ఉరకలెత్తుతారు!
ఉరుకుల పరుగుల జీవితంలో చాలామందిని వేధిస్తున్న ప్రధాన సమస్య నీరసం, అలసట. ఉదయం నిద్రలేవగానే ఏ పని చేయాలనిపించకపోవడం, నిస్సత్తువ ఆవరించడం వంటివి కనిపిస్తుంటాయి. దానికి తోడు రక్తహీనత (Anemia) సమస్య మహిళలను, వృద్ధులను తీవ్రంగా బాధిస్తోంది.
అయితే, ఈ సమస్యలన్నింటికీ చెక్ పెడుతూ.. రోజంతా మిమ్మల్ని ఎంతో యాక్టివ్గా ఉంచే ఒక అద్భుతమైన డ్రింక్ గురించి ఇప్పుడు తెలుసుకుందాం. ఈ ‘ఎనర్జీ మిల్క్’ (Energy Milk) తాగితే శారీరక బలహీనత దరిచేరదు సరికదా.. 60 ఏళ్ల వయసులో కూడా 20 ఏళ్ల కుర్రాళ్లలా ఉషారుగా ఉంటారు!
ఈ ‘ఎనర్జీ మిల్క్’ తయారీకి కావాల్సిన పదార్థాలు:
జీడిపప్పులు: 10
అంజీరాలు: 4
ఖర్జూరం (గింజలు తీసినవి): 4
కిస్ మిస్: 10
బాదం పప్పులు: 6
యాలకులు: 3
పాలు: ఒకటిన్నర కప్పు
తయారీ విధానం చాలా సింపుల్:
ముందుగా ఒక గిన్నె తీసుకుని అందులో జీడిపప్పు, అంజీరా, ఖర్జూరం, కిస్ మిస్ వేసి.. అవి మునిగేలా అరకప్పు పాలు పోసి రెండు గంటల పాటు నానబెట్టాలి.
అదే సమయంలో మరో గిన్నెలో బాదం పప్పులను నీళ్లలో నానబెట్టుకోవాలి. రెండు గంటల తర్వాత బాదం పొట్టు తీసి రెడీ చేసుకోవాలి.
ఇప్పుడు మిక్సీ జార్ తీసుకుని.. పొట్టు తీసిన బాదం, పాలలో నానబెట్టిన డ్రై ఫ్రూట్స్ మిశ్రమం, మూడు యాలకులు వేసి మెత్తగా పేస్ట్ లా మిక్సీ పట్టుకోవాలి.
చివరగా, ఈ మిశ్రమంలో ఒక కప్పు కాచి చల్లార్చిన పాలను పోసి మరోసారి బ్లెండ్ చేయాలి. అంతే.. ఎంతో రుచికరమైన, ఆరోగ్యకరమైన ‘ఎనర్జీ మిల్క్’ రెడీ!
ఈ డ్రై ఫ్రూట్ పాలు తాగడం వల్ల కలిగే అద్భుతమైన లాభాలు:
సూపర్ ఎనర్జీ: వారంలో కనీసం రెండు లేదా మూడు సార్లు ఉదయం పూట ఈ పాలను తాగితే శారీరక బలహీనత, నీరసం పూర్తిగా మాయమవుతాయి. రోజంతా హుషారుగా పనిచేసుకుంటారు.
రక్తహీనతకు చెక్: ఈ డ్రింక్ లో ఐరన్, ఇతర పోషకాలు పుష్కలంగా ఉంటాయి. రక్తహీనత ఉన్నవారు ప్రతిరోజూ దీన్ని తాగితే రక్తంలో హిమోగ్లోబిన్ శాతం వేగంగా పెరిగి ఆ సమస్య నుంచి శాశ్వతంగా బయటపడవచ్చు.
రోగనిరోధక శక్తి: ఇందులో వాడిన డ్రై ఫ్రూట్స్ అన్నీ విటమిన్లు, మినరల్స్ కు కేరాఫ్ అడ్రస్. కాబట్టి వాతావరణ మార్పుల వల్ల వచ్చే సీజనల్ వ్యాధులు దరిచేరవు.
ఈ పాలను చిన్న పిల్లల దగ్గరి నుండి పండు ముసలి వాళ్ల వరకు ఎవరైనా తాగవచ్చు. పిల్లల ఎదుగుదలకు, పెద్దవారి ఎముకల బలానికి ఇది దివ్యౌషధంలా పనిచేస్తుంది.
మరెందుకు ఆలస్యం.. రేపటి నుంచే మీ డైట్ లో ఈ స్పెషల్ పాలను చేర్చుకోండి. ఆరోగ్యంగా, ఆనందంగా ఉండండి!
ఇవి కూడా చదవండి:
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
Source: chaipakodi.com