మీ ఫోన్ స్లో అవుతోందా? వారానికి ఒకసారి ఈ చిన్న పని చేయకుంటే అంతే సంగతులు!
ఈ రోజుల్లో చేతిలో స్మార్ట్ఫోన్ లేనిదే ముద్ద దిగదు, నిద్ర పట్టదు. పొద్దున్న లేచింది మొదలు రాత్రి పడుకునే వరకు ఫోన్తోనే లోకం. అయితే, మనం ఎంత అలసిపోతే అంత సేపు ప్రశాంతంగా నిద్రపోతాం. కానీ, మనకు సర్వీస్ ఇచ్చే స్మార్ట్ఫోన్కు మాత్రం అస్సలు రెస్ట్ ఇవ్వం!
చాలా మంది ఫోన్ స్విచ్ఛాఫ్ లేదా రీస్టార్ట్ (Restart) చేయకుండానే నెలల తరబడి నిరంతరాయంగా వాడేస్తుంటారు. అసలు వారానికి ఒక్కసారైనా మొబైల్ను రీస్టార్ట్ చేయకపోతే ఎలాంటి నష్టాలు జరుగుతాయో, టెక్ నిపుణులు ఏం చెబుతున్నారో ఇప్పుడు చూద్దాం!
1. ర్యామ్ (RAM) క్లియర్ అవ్వదు!
మనం ఫోన్ వాడుతున్నప్పుడు బ్యాక్గ్రౌండ్లో ఎన్నో యాప్స్ రన్ అవుతుంటాయి. వాటిని మనం క్లోజ్ చేసినా కూడా కొంత భాగం తాత్కాలిక మెమరీ (Cache Data) రూపంలో అలాగే ఉండిపోతుంది. ఫోన్ను రీస్టార్ట్ చేసినప్పుడు మాత్రమే ఈ వేస్ట్ ఫైల్స్ పూర్తిగా క్లియర్ అవుతాయి. లేదంటే ఫోన్ క్రమంగా స్లో అయిపోతుంది.
2. బ్యాటరీ లైఫ్ దారుణంగా పడిపోతుంది!
కొన్ని యాప్స్ మనకు తెలియకుండానే బ్యాక్గ్రౌండ్లో బ్యాటరీని పీల్చేస్తుంటాయి. దీనివల్ల ఫోన్ పక్కన పెట్టినా కూడా ఛార్జింగ్ త్వరగా అయిపోతుంది. వారానికి ఒక్కసారి రీస్టార్ట్ చేయడం వల్ల బ్యాటరీ డ్రెయిన్ అయ్యే ఇలాంటి లూప్లకు బ్రేక్ పడుతుంది.
3. మొండిగా మారే హీటింగ్ సమస్యలు (Overheating)
ఫోన్ నిరంతరం ఆన్లో ఉండటం వల్ల ప్రాసెసర్పై లోడ్ పెరుగుతుంది. దీనివల్ల ఫోన్ త్వరగా వేడెక్కుతుంది. ముఖ్యంగా గేమింగ్ లేదా మల్టీటాస్కింగ్ చేసేటప్పుడు ఫోన్ హ్యాంగ్ అవ్వడానికి, స్క్రీన్ స్ట్రక్ అవ్వడానికి ఇదే ప్రధాన కారణం.
ముఖ్యమైన చిట్కా: మీ ఫోన్ పర్ఫార్మెన్స్ ఎప్పుడూ కొత్తదానిలా స్మూత్గా ఉండాలంటే.. వారానికి కనీసం ఒక్కసారైనా రీస్టార్ట్ చేయడం అలవాటు చేసుకోండి. దీనికోసం ఫోన్లలో ‘ఆటో షెడ్యూల్ రీబూట్’ ఆప్షన్ కూడా ఉంటుంది.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
Source: chaipakodi.com