Aashada Masam:ఆషాఢం వచ్చేసింది.. ఈ 7 వస్తువులు దానం చేస్తే శ్రీ మహా విష్ణువు అనుగ్రహం మీ సొంతం!
Aashada Masam:హిందూ సంప్రదాయంలో ఆషాఢ మాసానికి ఒక ప్రత్యేకత ఉంది. ఈ నెలలో పెళ్లిళ్లు, గృహప్రవేశాల లాంటి శుభకార్యాలు చేయకపోయినా.. పూజలు, వ్రతాలు, పుణ్యక్షేత్రాల సందర్శన వల్ల విశేషమైన ఫలితాలు దక్కుతాయి. తొలి ఏకాదశి, గురు పూర్ణిమ, తెలంగాణ బోనాలు వచ్చేది కూడా ఈ నెలలోనే!
పురాణాల ప్రకారం శ్రీ మహావిష్ణువు ఈ కాలంలోనే (చాతుర్మాస్య వ్రతం) యోగనిద్రలోకి వెళ్తారు. అందుకే, ఈ పవిత్రమైన మాసంలో కొన్ని వస్తువులను దానం చేస్తే సకల దోషాలు తొలగిపోయి, అదృష్టం కలిసి వస్తుందని జ్యోతిష్య పండితులు చెబుతున్నారు. మరి మీ దశ తిరిగేలా చేసే ఆ దానాలు ఏంటో ఇప్పుడు చూద్దాం!
ఆషాఢ మాసంలో తప్పక దానం చేయాల్సిన వస్తువులు ఇవే:
తెలుపు రంగు వస్తువులు (పాలు, పెరుగు, వస్త్రాలు):
ఆషాఢంలో పాలు, పెరుగు లేదా తెల్లటి దుస్తులను దానం చేయడం చాలా శ్రేయస్కరం. దీనివల్ల మానసిక ప్రశాంతతతో పాటు దైవానుగ్రహం సంపూర్ణంగా లభిస్తుందని జ్యోతిష్యులు చెబుతున్నారు.
పాదరక్షలు (చెప్పులు, బూట్లు):
పేదవారికి, అవసరమైన వారికి చెప్పులు లేదా బూట్లు దానం చేయడం వల్ల అద్భుతమైన శుభ ఫలితాలు కలుగుతాయి. ఇది దాతకు, తీసుకునేవారికి ఇద్దరికీ మేలు చేస్తుంది.
జల దానం (నీరు):
దాహంతో ఉన్నవారికి నీటిని దానం చేయడం మానవత్వానికి ప్రతీక. ఈ మాసంలో జలదానం చేయడం వల్ల విశేషమైన పుణ్యం లభిస్తుంది.
గో దానం:
హిందూ ధర్మంలో గో దానానికి మించిన దానం లేదు. ఆషాఢ మాసంలో గోవును దానం చేయడం వల్ల జన్మజన్మల పాపాలు తొలగిపోతాయని పండితుల విశ్వాసం.
అన్న దానం:
“అన్నదానం మహాదానం”. ఆకలితో ఉన్న పేదలకు ఈ నెలలో భోజనం పెట్టడం అత్యంత పుణ్యకార్యంగా భావిస్తారు.
గొడుగు దానం:
వర్షాకాలం ప్రారంభమయ్యే ఈ ఆషాఢంలో పేదలకు గొడుగును దానం చేస్తే, జీవితంలో ఎదురయ్యే ఆటంకాలు తొలగిపోయి అదృష్టం వరిస్తుందట.
దిండ్లు, దుప్పట్లు (బెడ్ షీట్లు):
శ్రీ మహావిష్ణువు ఈ మాసంలోనే విశ్రాంతి తీసుకుంటాడు కాబట్టి.. ఇళ్లు లేని పేదవారికి దిండ్లు, దుప్పట్లు దానం చేయడం వల్ల విష్ణుమూర్తి ఆశీస్సులు మెండుగా ఉంటాయి.
ముఖ్య గమనిక: ఏ దానం చేసినా అందులో స్వార్థం ఉండకూడదు. పూర్తి నమ్మకం, భక్తి శ్రద్ధలతో, నిస్వార్థంగా దానం చేసినప్పుడే దాని అసలైన పుణ్యఫలం దక్కుతుందని శాస్త్రాలు ఘోషిస్తున్నాయి. మీ స్తోమత మేరకు ఈ దానాలు చేసి ఆ భగవంతుని కృపకు పాత్రులు కండి!
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
Source: chaipakodi.com