మందులపై ఏకంగా 20% డిస్కౌంట్.. మెడికల్ షాపులకు DMart భారీ ఝలక్!
మందులపై ఏకంగా 20% డిస్కౌంట్.. మెడికల్ షాపులకు DMart భారీ ఝలక్..కిరాణా సరుకులు, గృహోపకరణాలు, దుస్తులు.. ఇలా అన్నీ ఒకేచోట, అదీ తక్కువ ధరకు దొరికే డీమార్ట్ (DMart) అంటే సామాన్యులకు ఎంతో ఇష్టం.
బయటి మార్కెట్తో పోలిస్తే కనీసం 5 నుంచి 20 శాతం తక్కువ ధరకే వస్తువులు దొరకడంతో డీమార్ట్కు జనాలు క్యూ కడుతుంటారు. అయితే, ఇప్పుడు తమ కస్టమర్లకు డీమార్ట్ మరో బంపర్ ఆఫర్ తీసుకువచ్చింది.
రిటైల్ రంగంలో రారాజుగా ఉన్న డీమార్ట్ మాతృ సంస్థ ‘అవెన్యూ సూపర్ మార్కెట్స్’.. ఇప్పుడు ఫార్మసీ (మెడికల్) వ్యాపారంలోకి సంచలన ఎంట్రీ ఇచ్చింది!
డీమార్ట్ మెడికల్స్.. అసలు కథ ఏంటంటే?
పైలట్ ప్రాజెక్ట్: ముందుగా మహారాష్ట్రలోని ముంబై డీమార్ట్ స్టోర్లలో ఫార్మసీ కౌంటర్లను ప్రారంభించారు.
భారీ డిస్కౌంట్: మందుల కొనుగోలుపై కస్టమర్లకు ఏకంగా 20 శాతం డిస్కౌంట్ ఇస్తుండటం విశేషం.
అందరికీ అందుబాటులోకి: ముంబైలో చేపట్టిన ఈ పైలట్ ప్రాజెక్ట్ సక్సెస్ అయిన తర్వాత, త్వరలోనే దేశవ్యాప్తంగా ఉన్న అన్ని డీమార్ట్ స్టోర్లలో మెడికల్ కౌంటర్లను ఏర్పాటు చేయనున్నారు.
స్థానిక మెడికల్ షాపులకు గట్టి పోటీ!
సాధారణంగా బయట మెడికల్ షాపుల్లో మందులను ఎంఆర్పీ (MRP) ధరలకే విక్రయిస్తుంటారు. కొన్ని ఫార్మసీల్లో మహా అయితే 10 శాతం వరకు డిస్కౌంట్ ఇస్తారు. కానీ, డీమార్ట్ ఏకంగా 20 శాతం తగ్గింపు ఇస్తుండటంతో.. మందులు వాడే సామాన్య కస్టమర్లకు ఇది భారీ ఊరటనివ్వనుంది. సరుకులతో పాటే మందులు కూడా ఇక్కడే కొనే అవకాశం ఉంటుంది.
అదే సమయంలో ఎంఆర్పీకే మందులు అమ్మే స్థానిక సంప్రదాయ మెడికల్ షాపులకు, రిటైల్ ఫార్మసీలకు ఇది గట్టి ఝలక్ అని మార్కెట్ వర్గాలు అంచనా వేస్తున్నాయి. ఇప్పటికే నిత్యావసర సరుకుల వ్యాపారంలో సక్సెస్ అయిన డీమార్ట్.. ఇప్పుడు ఫార్మా రంగంలో కూడా అడుగుపెడుతుండటం బిజినెస్ వర్గాల్లో సంచలనంగా మారింది.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
Source: chaipakodi.com