సాక్షాత్తూ లక్ష్మీదేవితో సమానం.. ఇంట్లో చీపురు విషయంలో ఈ తప్పులు అస్సలు చేయకండి!

సాక్షాత్తూ లక్ష్మీదేవితో సమానం.. ఇంట్లో చీపురు విషయంలో ఈ తప్పులు అస్సలు చేయకండి.. ఇంటిని శుభ్రం చేయడానికి వాడే చీపురు.. కేవలం ఒక సాధారణ వస్తువు కాదు. మన సంప్రదాయం, వాస్తు శాస్త్రం ప్రకారం చీపురును సాక్షాత్తూ ‘లక్ష్మీదేవి’ స్వరూపంగా భావిస్తారు.

చీపురును ఎక్కడపడితే అక్కడ ఉంచడం, ఎలా పడితే అలా వాడటం వల్ల ఇంట్లో ఆర్థిక సమస్యలు, దరిద్రం తాండవిస్తాయని పండితులు చెబుతున్నారు. మరి చీపురు విషయంలో ఎలాంటి వాస్తు నియమాలు పాటించాలో ఇప్పుడు తెలుసుకుందాం.

చీపురును ఎప్పుడు కొనాలి? ఎప్పుడు పారేయాలి?
కొనేందుకు బెస్ట్ డే: లక్ష్మీదేవికి ఇష్టమైన శుక్రవారం రోజున చీపురును కొనుగోలు చేయడం అత్యంత శుభప్రదం.

కొనకూడని రోజులు: మంగళవారం, పండుగ రోజుల్లో లేదా ఇంట్లో ఎవరిదైనా పుట్టినరోజు ఉన్నప్పుడు పొరపాటున కూడా కొత్త చీపురు కొనకూడదు.

పాత చీపురు పారేయాలంటే: పాడైపోయిన చీపురును శనివారం రోజు మాత్రమే పారేయాలి. గురు, శుక్రవారాల్లో లేదా ఏకాదశి వంటి పర్వదినాల్లో పాత చీపురును బయట పారేయడం అశుభం.

చీపురును ఇంట్లో ఎక్కడ, ఎలా ఉంచాలి?
నిలబెట్టకూడదు: చీపురును ఎప్పుడూ గోడకు ఆనించి గానీ, నిలబెట్టి గానీ ఉంచకూడదు. అలా చేస్తే ఇంట్లో డబ్బు నిలబడదని వాస్తు నిపుణులు చెబుతున్నారు. ఎప్పుడూ కింద పడుకోబెట్టే ఉంచాలి.

కంటికి కనిపించకూడదు: చీపురు ఎవరి కంటా పడకుండా తలుపు వెనుక లేదా ఏదైనా మూలలో దాచి ఉంచాలి. బహిరంగ ప్రదేశాల్లో ఉంచితే ఇంట్లో నెగెటివ్ ఎనర్జీ పెరుగుతుంది.

వంటగదిలో వద్దు: అన్నపూర్ణా దేవి నివాసముండే వంటగదిలో చీపురు అస్సలు ఉంచకూడదు. దీనివల్ల అనారోగ్య సమస్యలు, ఆహార లోటు వస్తాయి. అలాగే బీరువా, డబ్బులు ఉండే చోట కూడా చీపురు ఉంచరాదు.

చీపురుతో ఈ పనులు అస్సలు చేయకండి!
లక్ష్మీ స్వరూపమైన చీపురును పొరపాటున కూడా కాళ్లతో తొక్కకూడదు, అలాగే దాటకూడదు. అలా చేస్తే లక్ష్మీదేవి ఆగ్రహానికి గురవుతారు.

సూర్యాస్తమయం (సాయంత్రం) తర్వాత ఇల్లు ఊడ్చడం అశుభం. చీకటి పడకముందే ఇల్లు శుభ్రం చేసుకోవాలి.

ఎవరైనా ఇంటి నుంచి ముఖ్యమైన పని మీద లేదా శుభకార్యానికి బయటకు వెళ్లేటప్పుడు.. వారు వెళ్లగానే ఇల్లు ఊడ్చకూడదు.

చీపురుతో ఏ జంతువులనూ కొట్టకూడదు. ఇంటి లోపల, బయట ఊడ్చేందుకు ఒకే చీపురు కాకుండా వేర్వేరు చీపుర్లు వాడాలి.

గమనిక: పైన తెలిపిన వాస్తు నియమాలు పాటించడం వల్ల ఇంట్లో సుఖసంతోషాలు, సిరిసంపదలు వృద్ధి చెందుతాయని విశ్వాసం. అయితే, ఈ సమాచారం కేవలం మత విశ్వాసాలు, పండితుల సూచనల ఆధారంగా ఇవ్వబడింది.

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.

Source: chaipakodi.com