జుట్టు విపరీతంగా రాలిపోతోందా? అయితే ఈ చిట్కాలతో ఒత్తుగా, పొడవుగా పెరగడం గ్యారెంటీ!
Dandruff And Hair Fall:దువ్వెన పెడితే చాలు గుప్పెడు జుట్టు ఊడి వచ్చేస్తోందా? తలస్నానం చేసిన ప్రతిసారీ రాలిపోతున్న జుట్టు చూసి భయమేస్తోందా? మీ బాధ నాకు అర్థమైంది. జుట్టు రాలడం అనేది ఈ రోజుల్లో చాలా సాధారణమైన సమస్య.
అయితే, రాత్రికి రాత్రే అద్భుతాలు జరిగిపోకపోయినా.. సరైన జాగ్రత్తలు తీసుకుంటే దాన్ని కచ్చితంగా అరికట్టొచ్చు. ఈ పోస్ట్లో నేను చెప్పిన చిన్న చిన్న హెయిర్ కేర్ టిప్స్ రెగ్యులర్గా పాటిస్తే మీ జుట్టు రాలడం తగ్గి, క్రమంగా ఒత్తుగా, పొడవుగా పెరగడం మీరే గమనిస్తారు. ఆ టిప్స్ ఏంటో చూద్దామా!
చుండ్రు ఒక్కసారి వచ్చిందంటే ఒక పట్టానా వదలదు. చుండ్రు సమస్య రాగానే మనలో చాలా మంది ఖరీదైన నూనెలు,షాంపూలు వాడుతూ ఉంటారు. వాటి కారణంగా కొన్ని సైడ్ ఎఫెక్ట్స్ వచ్చే అవకాశం ఉంది. అదే ఇంటిలో సహజసిద్దంగా దొరికే కొన్ని వస్తువులను ఉపయోగించి తగ్గించుకోవచ్చు.
చుండ్రు సమస్య ఎక్కువగా ఉంటే జుట్టు రాలే సమస్య కూడా వస్తుంది. వేప ఆకులు చుండ్రు సమస్యను తగ్గించటానికి చాలా సమర్ధవంతంగా పనిచేస్తాయి. వేపాకులో ఎన్నో ఔషధగుణాలు దాగి ఉన్నాయనే సంగతి మనందరికీ తెలిసిందే. వేపాకును గత కొన్ని వందల సంవత్సరాల నుంచి ఆయుర్వేదంలో విరివిగా ఉపయోగిస్తున్నారు.
కొన్ని వేపాకులను నీటిలో వేసి నీరు ఆకుపచ్చ రంగు అయ్యేవరకు మరిగించి ఆ నీటిని వడకట్టి చల్లారనివ్వాలి. ఈ నీటిని జుట్టు కుదుళ్ల నుండి చివర్ల వరకు బాగా పట్టించి అరగంట అయ్యాక కుంకుడు కాయలతో తలస్నానం చేయాలి. ఈ విధంగా వారంలో రెండు సార్లు చేస్తే చుండ్రు సమస్య క్రమంగా తగ్గుతుంది.
వేప ఆకులను పేస్ట్ గా చేసి జుట్టుకి బాగా పట్టించి అరగంట అయ్యాక తలస్నానం చేస్తే సరిపోతుంది. కొద్దిగా కొబ్బరినూనెలో పది వేపాకులను వేసి నూనెను బాగా వేడిచేయాలి. ఈ విధంగా వేడి చేసిన నూనెను చల్లబరచి అందులోకి ఒక టేబుల్ స్పూన్ నిమ్మరసం, కొద్దిగా ఆముదం కలిపి ఒక సీసాలో నిల్వ చేసుకోవాలి.
ఈ వేపనూనెను వారానికి రెండు సార్లు రాసి… ఒక గంట తర్వాత తలస్నానం చేయడం వల్ల చుండ్రు సమస్య నుంచి తొందరగా విముక్తి పొందవచ్చు. వేపలో ఉన్న లక్షణాలు చుండ్రు సమస్యను మరియు చుండ్రుకి కారణం అయినా కారకాలను నిర్మూలించి చుండ్రు సమస్యను తగ్గిస్తుంది.
గమనిక:ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు. వీటిని వైద్య సలహాగా భావించకూడదు.