వినాయక చవితి స్పెషల్: కరకరలాడే గారెలు, కమ్మటి పెరుగువడ.. ఈ టిప్స్ తో చేస్తే టేస్ట్ అదుర్స్!

Lord Ganesh Prasadam Recipes : వినాయక చవితి పండుగ నాడు స్వామివారికి సమర్పించే నైవేద్యాల్లో గారెలు, పెరుగువడలకు ప్రత్యేక స్థానం ఉంది. అయితే చాలామందికి గారెలు గట్టిగా రావడం లేదా నూనె ఎక్కువగా పీల్చడం లాంటివి జరుగుతుంటాయి.

గారెలు పైకి కరకరలాడుతూ, లోపల దూదిలా మెత్తగా రావాలన్నా.. అలాగే పెరుగువడ నోట్లో వేసుకోగానే కరిగిపోయేలా కమ్మగా ఉండాలన్నా కొన్ని చిన్న చిన్న సీక్రెట్ చిట్కాలు పాటించాలి. అవేంటో తెలుసుకుని, ఈ చవితికి స్వామివారికి ఎంతో ఇష్టమైన గారెలు, పెరుగువడలను పర్ఫెక్ట్ గా, టేస్టీగా ఎలా తయారు చేయాలో ఇప్పుడు స్టెప్-బై-స్టెప్ చూద్దాం.

వినాయక చవితి సమీపిస్తుంది. ఇప్పుడే కొన్ని ప్రసాదాల తయారీ నేర్చుకుంటే, పండుగ రోజున అద్భుతమైన నైవేద్యాలను అర్పించవచ్చు. సాధారణంగా ఇంట్లో చేసుకునే ప్రసాదాలలో గారెలు ఒక భాగం. గారెల తయారీతో రెండు విధాల ప్రసాదాలు – గారెలు మరియు పెరుగు గారెలు చేయవచ్చు.

ఈ రెండు రకాల ప్రసాదాలను అనేకమంది తరచుగా తయారు చేస్తారు, కానీ ప్రసాదంగా వీటిని ఎలా తయారు చేయాలి? అనుసరించవలసిన టిప్స్ ఏమిటి? అవసరమైన పదార్థాలు ఏమిటి? తయారీ విధానం ఏమిటి? ఇప్పుడు వీటి గురించి మనం తెలుసుకుందాం.

కావాల్సిన పదార్థాలు
మినపప్పు – 1 కప్పు
బియ్యం పిండి – 2 టేబుల్ స్పూన్స్
ఉప్పు – రుచికి తగినంత
నూనె – డీప్ ఫ్రైకి సరిపడా
పెరుగు – అర కప్పు
నీళ్లు – ఒకటిన్నర కప్పు
ఉప్పు – రుచికి తగినంత
పెరుగు – మూడు కప్పులు
కరివేపాకు – 1 రెబ్బ
ఆవాలు – పావు టీస్పూన్
జీలకర్ర – అర టీస్పూన్
ఎండు మిర్చి – 1
పచ్చిమిర్చి – 1
అల్లం తురుము – 1 టీస్పూన్
ఇంగువ – చిటికెడు
ఉప్పు – రుచికి తగినంత
నూనె – 1 టేబుల్ స్పూన్

పసుపు – పావు టీస్పూన్

తయారీ విధానం
మొదటగా మినపప్పును శుభ్రంగా కడిగి, దానిలో నీళ్లు పోసి నాలుగు నుండి ఐదు గంటల పాటు నానబెట్టాలి. లేకపోతే రాత్రి పూర్తిగా నానబెట్టాలి. ఉదయం మళ్లీ పప్పును కడిగి నీటిని వడపోసి మిక్సీ జార్‌లో వేసి గ్రైండ్ చేయాలి. గ్రైండింగ్ సమయంలో కొంచెం నీరు జోడించాలి. పిండి బాగా లూజ్‌గా ఉండకూడదు. గ్రైండ్ చేసే సమయంలో కొంచెం ఉప్పు కలపాలి.

మిక్సీలో చేసిన పిండిని మిక్సింగ్ బౌల్‌లో వేసి బియ్యం పిండి జోడించి ఉండలు రాకుండా కలిపితే గారెలు బాగా వస్తాయి. తర్వాత స్టౌవ్ పై కడాయి పెట్టి నూనె వేడి చేసి పిండిని గారెలుగా ఒత్తి నూనెలో వేసి రెండు వైపులా వేగించి, క్రిస్పీగా మరియు గోల్డెన్ బ్రౌన్ రంగులో వచ్చాక తీసివేయాలి. అలా రుచికరమైన గారెలు సిద్ధం.

పెరుగు వడ కోసం..
ముందుగా ఒక మిక్సింగ్ బౌల్ తీసుకోండి. అందులో పెరుగును రుచికరమైన ఉప్పును వేసి బాగా కలిపి నీళ్లు జోడించి బటర్ మిల్క్ తయారు చేసి పక్కన ఉంచండి. తరువాత వేయించిన గారెలను ఆ బటర్ మిల్క్‌లో ముంచి మూడు నిమిషాలు నాననివ్వండి. ఆ తరువాత గారెలను తీసి మృదువుగా ఒత్తి బటర్ మిల్క్‌ను పిండి వాటిని సిద్ధం చేయండి.

ముందుగా స్టౌవ్ వెలిగించి చిన్న కడాయిని పెట్టాలి. అందులో నూనె పోసి, ఆవాలు, జీలకర్రను వేసి వేగించాలి. వాటిని కొంచెం వేగిన తర్వాత ఎండుమిర్చి, కరివేపాకు జోడించాలి. తర్వాత పచ్చిమిర్చి, అల్లం తురుము, ఇంగువ, పసుపు వేసి తాళింపు చేయాలి. చివరగా పసుపు వేసిన తర్వాత స్టౌవ్ ఆఫ్ చేయాలి. ఆ తర్వాత గడ్డ పెరుగు లేదా యోగర్ట్ వేసి తాళింపును బాగా కలపాలి.

ఇలా తయారు చేసిన పెరుగు తాళింపులో బటర్ మిల్క్ నుండి తీసిన వడలను వేయాలి. వాటిపై పెరుగు పోసి కవర్ చేయాలి. అవి టేస్టీ పెరుగు వడలుగా రెడీ అవుతాయి. వీటిని నైవేద్యంగా పెట్టవచ్చు,ఇంకేం ఆలస్యం? ఈ వినాయక చవితికి మీరు కూడా ఈ టేస్టీ రెసిపీని తయారు చేసి నైవేద్యంగా పెట్టండి.

Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x

Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ