అచ్చం హోటల్ స్టైల్‌లో కరకరలాడే ‘తోటకూర వడలు’.. ఇలా చేస్తే టేస్ట్ అదుర్స్!
Amaranth leaves Vada:ఉదయం బ్రేక్‌ఫాస్ట్‌లోకైనా లేదా సాయంత్రం స్నాక్స్‌లోకైనా వేడి వేడిగా, కరకరలాడే వడలు తింటే ఆ మజాయే వేరు. అయితే రెగ్యులర్ వడలకు బదులుగా, ఆరోగ్యానికి ఎంతో మేలు చేసే తోటకూర (Amaranth Leaves) తో అచ్చం హోటల్ స్టైల్ వడలను మన ఇంట్లోనే చాలా ఈజీగా తయారు చేసుకోవచ్చు.
వడలు నూనె పీల్చకుండా, పైన క్రిస్పీగా, లోపల సాఫ్ట్ గా రావాలంటే పిండిని ఎలా కలుపుకోవాలి? ఎంతో రుచిగా ఉండే ఈ తోటకూర వడలను పర్ఫెక్ట్ గా ఎలా వండుకోవాలి? అనే పూర్తి వివరాలు ఈ ఆర్టికల్‌లో తెలుసుకోండి. రుచితో పాటు ఆరోగ్యాన్నిచ్చే ఈ స్నాక్ రెసిపీని ఇంట్లో వాళ్లంతా ఎంతో ఇష్టంగా తింటారు!
హోటల్ లో లాగ పర్ఫెక్ట్ వడలు… చాలా సింపుల్ గా..ప్రతి ఈవినింగ్ స్నాక్స్ కోసం,ఏదో ఒక ఐటెమ్ వెతుకుతూనే ఉండాలి. పకోడి బిస్కేట్స్, సమోస, లాంటివి కాకుండా,తమిళనాడు స్పెషల్ తోటకూర వడలు ట్రై చేయండి. కరకరలాడుతూ పర్ఫెక్ట్ స్నాక్స్ అనిపిస్తుంది.
కావాల్సిన పదార్ధాలు
పచ్చిశనగపప్పు – 1 కప్పు
మినపప్పు – 1/2కప్పు
పచ్చిమిర్చి – 2
వెల్లుల్లి రెబ్బలు -4
అల్లం తరుగు – తగినంత
తోటకూర తరుగు – 1 కప్పు
సోంపు – 1 టీ స్పూన్
తయారీ విధానం –
1.ఒక గిన్నెలోకి శనగపప్పు, మినపప్పు, వేసుకుని, శుభ్రంగా కడిగి, నీళ్లు పోసి, నాలుగు గంటలు నాన పెట్టుకోవాలి.
2.నానిన పప్పులను వడకట్టి మిక్సీ జార్ లో వేసుకుని, కొద్దిగా నీళ్లు కలిపి బరకగా రుబ్బుకోవాలి.
3.ఆ గట్టి శనగపప్పు ముద్దలో, తోటకూర తరుగు, సోంపు, అల్లం తరుగు,పచ్చిమిర్చి,తగినంత ఉప్పు, వెల్లుల్లి,వేసుకుని పిండి ముద్దలా కలుపుకోవాలి
4. ఆ పిండిని కొద్ది కొద్దిగా తీసుకుని, అరటిఆకు పై నూనె వేసి, పల్చని వడల్లాగ వత్తుకోవాలి.
5. ఇప్పుడు స్టవ్ పై మరో పాన్ పెట్టుకుని, డీప్ ఫ్రైకి సరిపడా ఆయిల్ వేసి, బాగా వేడెక్కిన తర్వాత,తయారు చేసుకున్న వడలకు, మధ్యలో రంధ్రం చేసి , వేడి నూనెలో ఒకోక్కటిగా వేసుకోవాలి.
6. మీడియం ఫ్లేమ్ పై వడలను రెండు వైపులా ఎర్రగా కాల్చుకుని, తీయాలి.
7. అంతే కరకరలాడే కీరై వడా రెడీ.