Senagala Vada:కేవలం 10 నిమిషాల్లో వేడి వేడిగా కరకరలాడే రుచికరమైన “శనగల వడలు”

Senagala Vada:కేవలం 10 నిమిషాల్లో వేడి వేడిగా కరకరలాడే రుచికరమైన “శనగల వడలు”.. శనగలలో ఎన్నో పోషకాలు ఎన్నో ఆరోగ్య ప్రయోజనాలు ఉన్నాయి. శనగలను వారంలో రెండు సార్లు తింటే ఎన్నో పోషకాలు మన శరీరానికి అందుతాయి.
కావలసిన పదార్థాలు:
– నానబెట్టిన శనగలు – 1 కప్పు
– ఉల్లిపాయ తరుగు – 1 కప్పు
– అల్లం ముక్కలు – 2 టీస్పూన్లు
– పచ్చిమిర్చి – 5
– ఉప్పు – తగినంత
– జీలకర్ర – 1 టీస్పూను
– కరివేపాకు – కొద్దిగా
– నూనె – డీప్ ఫ్రైకి సరిపడా

తయారీ విధానం:
ముందుగా శనగలను రాత్రంతా నీటిలో నానబెట్టాలి. మరుసటి రోజు ఉదయం నీటిని వడకట్టి, శనగలు, పచ్చిమిర్చి, ఉప్పు, జీలకర్రను మిక్సీలో వేసి మెత్తగా గ్రైండ్ చేయాలి. ఈ మిశ్రమాన్ని ఒక గిన్నెలోకి తీసుకుని, అందులో ఉల్లిపాయ తరుగు, అల్లం ముక్కలు, కరివేపాకు వేసి బాగా కలపాలి. తర్వాత స్టవ్ మీద పాన్ పెట్టి, డీప్ ఫ్రైకి సరిపడా నూనె పోసి కాగనివ్వాలి. మిశ్రమాన్ని చిన్న చిన్న వడలుగా ఒత్తి, నూనెలో వేసి బంగారు రంగు వచ్చే వరకు వేయించాలి. అంతే, రుచికరమైన శనగల వడలు సిద్ధం! వానాకాలంలో వేడివేడిగా తింటే మరింత రుచిగా ఉంటాయి.