Andhra Pradesh Annadatha Sukhibhava Scheme 2025: అన్నదాత సుఖీభవ పథకంపై రైతులకు బిగ్ అలర్ట్… జూలై 10లోపు అలా చేస్తేనే డబ్బులు…

Andhra Pradesh Annadatha Sukhibhava Scheme 2025: అన్నదాత సుఖీభవ పథకంపై రైతులకు బిగ్ అలర్ట్… జూలై 10లోపు అలా చేస్తేనే డబ్బులు… అన్నదాత సుఖీభవ పథకం కింద అర్హుల జాబితాను రాష్ట్ర ప్రభుత్వం అందుబాటులో ఉంచింది. ఈ జాబితాలో చోటు దక్కని రైతులకు ప్రభుత్వం మరో అవకాశం కల్పించింది. ఫిర్యాదులు సమర్పించేందుకు జూలై 10, 2025 వరకు గడువు ఇచ్చింది.

అన్నదాత సుఖీభవ పథకం వివరాలు
అర్హతను తెలుసుకోవడానికి రైతులు అధికారిక వెబ్‌సైట్ https://annadathasukhibhava.ap.gov.in/ను సందర్శించవచ్చు లేదా సమీప రైతు సేవా కేంద్రాలను సంప్రదించవచ్చు. రాష్ట్ర వ్యవసాయ శాఖ డైరెక్టర్ డిల్లీరావు తెలిపిన వివరాల ప్రకారం, గత నెల 30 వరకు వెబ్‌ల్యాండ్‌లో నమోదైన రైతుల భూమి ఖాతాలకు అర్హత కల్పించారు. అన్నదాత సుఖీభవ పోర్టల్‌లో ఫిర్యాదుల మాడ్యూల్‌ను ప్రవేశపెట్టారు. జిల్లా స్థాయి వ్యవసాయ అధికారుల నుంచి గ్రామ స్థాయి వ్యవసాయ సహాయకుల వరకు ఈ మాడ్యూల్‌పై పూర్తి అవగాహన కలిగి ఉండాలని డిల్లీరావు సూచించారు.

మొదటి దశలో ప్రాథమికంగా తిరస్కరించబడిన రైతుల రికార్డులు, రెండవ దశలో ధ్రువీకరణలో అనర్హులుగా నిర్ధారించబడిన రైతుల రికార్డులను గ్రీవెన్స్ మాడ్యూల్‌లో నమోదు చేశారు. అర్హతపై ఫిర్యాదుల కోసం రైతులు ముందుగా రైతు సేవా కేంద్రాల్లోని వ్యవసాయ సహాయకులను సంప్రదించాలి. జూలై 10, 2025 వరకు ఫిర్యాదులను స్వీకరించి, వాటిని పరిష్కరించేందుకు చర్యలు తీసుకోనున్నారు. అనర్హత జాబితాలో ఉన్న రైతులు ఫిర్యాదు చేసి అర్హత సాధిస్తే, వారి ఖాతాల్లో అన్నదాత సుఖీభవ నిధులు జమ అవుతాయి.

మీ అర్హతను ఇలా తెలుసుకోండి
అధికారిక వెబ్‌సైట్ https://annadathasukhibhava.ap.gov.in/ను సందర్శించండి.
“Know Your Status” ఆప్షన్‌పై క్లిక్ చేయండి.
ఆధార్ నంబర్, క్యాప్చా వివరాలను నమోదు చేసి సెర్చ్ చేయండి.
రైతు పేరు, జిల్లా, మండలం, గ్రామం, పథకం స్టేటస్ వివరాలు స్క్రీన్‌పై కనిపిస్తాయి.
అన్నదాత సుఖీభవ పథకం గురించి

ఆంధ్రప్రదేశ్ ప్రభుత్వం అన్నదాత సుఖీభవ మరియు పీఎం కిసాన్ పథకాలను సమన్వయంతో అమలు చేయనుంది. ఈ పథకాల కింద రైతులకు ఏటా రూ. 20,000 జమ చేయనున్నారు. ఇందులో కేంద్ర ప్రభుత్వం రూ. 6,000 (పీఎం కిసాన్ కింద మూడు విడతల్లో రూ. 2,000 చొప్పున) మరియు రాష్ట్ర ప్రభుత్వం రూ. 14,000 వాటాను అందిస్తుంది.

పీఎం కిసాన్ నిధుల విడుదల సమయంలోనే అన్నదాత సుఖీభవ నిధులను కూడా మూడు విడతల్లో విడుదల చేస్తారు. తొలి విడతగా ఈ నెలలో రూ. 7,000 (రాష్ట్రం రూ. 5,000 + కేంద్రం రూ. 2,000), రెండవ విడతగా నవంబర్‌లో రూ. 7,000 (రాష్ట్రం రూ. 5,000 + కేంద్రం రూ. 2,000), మూడవ విడతగా ఫిబ్రవరి 2026లో రూ. 6,000 (రాష్ట్రం రూ. 4,000 + కేంద్రం రూ. 2,000) జమ చేయనున్నారు.