Pesara Pappu Saggu Biyyam Payasam : ఒంటికి చలువ చేసే కమ్మని “పెసరపప్పు సగ్గుబియ్యం పాయసం” … ఇలా చేస్తే మంచి రుచితో..

Pesara Pappu Saggu Biyyam Payasam : ఒంటికి చలువ చేసే కమ్మని “పెసరపప్పు సగ్గుబియ్యం పాయసం” … ఇలా చేస్తే మంచి రుచితో.. వేసవి కాలంలో సగ్గుబియ్యం తీసుకోవడం వల్ల శరీరానికి చల్లదనం లభిస్తుంది. సగ్గుబియ్యంతో పెసరపప్పును కలిపి రుచికరమైన పాయసం తయారు చేయవచ్చు. పెసరపప్పు అనేక ఆరోగ్య ప్రయోజనాలను అందిస్తుంది.

ఇది బరువు తగ్గడంలో, అజీర్తి సమస్యలను తగ్గించడంలో గణనీయంగా సహాయపడుతుంది. అలాగే, పెసరపప్పు ఆహారంలో చేర్చుకోవడం వల్ల తిమ్మిరి వ్యాధి తగ్గుతుంది. ఈ ఆరోగ్యకరమైన పెసరపప్పును సగ్గుబియ్యంతో కలిపి పాయసంగా తయారు చేస్తే, రుచితో పాటు పోషకాలు, ఆరోగ్య ప్రయోజనాలు కూడా లభిస్తాయి. ఈ పాయసం తయారీకి కావలసిన పదార్థాలు, తయారీ విధానాన్ని ఇప్పుడు తెలుసుకుందాం.

పెసరపప్పు, సగ్గుబియ్యం పాయసం తయారీకి కావలసిన పదార్థాలు:
పెసరపప్పు – 1 కప్పు
సగ్గుబియ్యం – 1 కప్పు
బెల్లం తురుము – 2 కప్పులు
చిక్కని పాలు – అర లీటర్
యాలకుల పొడి – అర టీస్పూన్
నెయ్యి – 2 టీస్పూన్లు
డ్రై ఫ్రూట్స్ – తగినన్ని

పెసరపప్పు, సగ్గుబియ్యం పాయసం తయారీ విధానం:
ముందుగా సగ్గుబియ్యంలో నీరు పోసి ఒక గంట పాటు నానబెట్టండి.పాలను కాచి చల్లార్చండి. పెసరపప్పును కుక్కర్‌లో తగినంత నీటితో మెత్తగా ఉడికించండి. ఒక గిన్నెలో బెల్లం తురుము, 1 కప్పు నీరు వేసి కరిగే వరకు ఉడికించండి.

మరో గిన్నెలో 2.5 కప్పుల నీరు పోసి, నానబెట్టిన సగ్గుబియ్యం వేసి 15 నిమిషాలు ఉడికించండి.15 నిమిషాల తర్వాత, సగ్గుబియ్యంలో కరిగించిన బెల్లం నీరు, ఉడికించిన పెసరపప్పు వేసి బాగా కలపండి.మూత పెట్టి మరో 10 నిమిషాలు ఉడికించి, స్టవ్ ఆపేయండి.

పాయసం కొద్దిగా చల్లారిన తర్వాత, చల్లార్చిన పాలను పోసి కలపండి.ఒక చిన్న కళాయిలో నెయ్యి వేసి, డ్రై ఫ్రూట్స్ వేయించి, పాయసంలో కలపండి. ఈ విధంగా తయారైన పెసరపప్పు, సగ్గుబియ్యం పాయసం రుచికరంగా ఉంటుంది. వేసవిలో దీనిని తీసుకోవడం వల్ల శరీరంలో వేడి తగ్గి, చల్లదనం లభిస్తుంది. రుచితో పాటు ఆరోగ్యం కూడా మీ సొంతమవుతుంది.