Snake Repellent: మీ ఇంటి చుట్టూ ఈ మొక్కలు ఉన్నాయా? అయితే పాములు మీ గడప కూడా తొక్కవు!

Snakes Repellent Plants: పాములకు బద్ధ శత్రువులు ఇవి.. ఇంటి చుట్టూ ఇవి ఉంటే ఆ వైపు కూడా చూడవు!పాములను చంపాల్సిన పనిలేదు.. ఇవి ఉంటే అవే పారిపోతాయి.మన పెరట్లో ఉండే బంతి మొక్కలంటే పాములకు హడల్. వెల్లుల్లి వాసన తగిలితే పాములు ఆ దరిదాపుల్లోకి కూడా రావు.

వర్షాకాలం వచ్చిందంటే చాలు.. ఇళ్లలోకి విషపురుగుల బెడద ఎక్కువవుతుంది. ముఖ్యంగా పాములు ఎటువైపు నుంచి వస్తాయోనని చాలామంది భయపడుతుంటారు. పాము కనిపిస్తే కర్ర పట్టుకుని చంపడం పరిష్కారం కాదు. వాటికి కొన్ని రకాల వాసనలంటే అస్సలు పడదు. ఆ వాసన వచ్చే మొక్కలు మీ ఇంటి చుట్టూ ఉంటే.. పాములు మీ ఇంటి గడప తొక్కడానికి కూడా సాహసించవు. అవేంటో చూద్దాం.

1. బంతి పూలు (Marigolds) – నాచురల్ రక్షకభటులు: మన ఇళ్లలో అలంకరణ కోసం పెంచుకునే బంతి మొక్కలు పాములను తరిమికొట్టడంలో నెంబర్ వన్.
కారణం: బంతి మొక్కల వేర్లు, ఆకుల నుంచి ఒకరకమైన ఘాటైన వాసన వస్తుంది. ఇది పాములకు అస్సలు పడదు. అందుకే పెరట్లో బంతి మొక్కలు ఉంటే పాములు అటువైపు రావు.

2. సర్పగంధ (Sarpagandha): దీని పేరులోనే ఉంది ‘సర్ప’ అని. ఆయుర్వేదంలో దీనికి చాలా ప్రాముఖ్యత ఉంది.
పవర్: ఈ మొక్క నుంచి వచ్చే వింతైన వాసన పాములకు చిరాకు, అసౌకర్యాన్ని కలిగిస్తుంది. ఇది ఉన్న చోట పాము నిలబడలేదు, వెంటనే పారిపోతుంది.

3. వెల్లుల్లి & ఉల్లి (Garlic & Onion): వంటింట్లో ఉండే ఈ రెండూ పాముల పాలిట యమపాశాలు.
చిట్కా: వెల్లుల్లి, ఉల్లిలో ఉండే ‘సల్ఫర్’ ఘాటు పాముల నాడీ వ్యవస్థను దెబ్బతీస్తుంది. వెల్లుల్లిని దంచి నీళ్లలో కలిపి ఇంటి మూలల్లో, కిటికీల దగ్గర స్ప్రే చేస్తే.. ఆ వాసనకు పాములు గజగజ వణికిపోతాయి.

4. లెమన్ గ్రాస్ (Lemon Grass): మనకు సువాసన ఇచ్చే లెమన్ గ్రాస్.. పాములకు మాత్రం అసహ్యాన్ని కలిగిస్తుంది. ఇందులో ఉండే ‘సిట్రోనెల్లా’ వాసన అంటే పాములకు బద్ధ వ్యతిరేకం. దోమలతో పాటు పాములను కూడా ఇది సమర్థవంతంగా అడ్డుకుంటుంది.

5. ముళ్లున్న మొక్కలు (Cactus/Rose): పాము చర్మం చాలా స్మూత్‌గా, సున్నితంగా ఉంటుంది. అందుకే అవి ముళ్లు ఉన్న ప్రదేశాల్లో వెళ్లడానికి ఇష్టపడవు. ఇంటి కాంపౌండ్ వాల్ దగ్గర గులాబీ లేదా కాక్టస్ వంటి మొక్కలు ఉంటే అవి లోపలికి రాలేవు.

ముఖ్య గమనిక: పాములకు చెవులు ఉండవు, అవి మన మాటలు వినలేవు. కేవలం నేల మీద వచ్చే వైబ్రేషన్స్ (Vibrations) బట్టి మాత్రమే అవి కదులుతాయి. కాబట్టి పాము కనిపిస్తే అలికిడి చేయకుండా స్నేక్ క్యాచర్‌కు సమాచారం ఇవ్వడం ఉత్తమం.

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.

మరిన్ని చిట్కాల కోసం కింద లింక్ ని Copy చేసి చూడండి.
https://www.telugulifestyle.com/