“మహర్షి” ప్రీ రిలీజ్ తో మహేష్ అభిమానులకు సర్ప్రైజ్..?

సూపర్ స్టార్ మహేష్ బాబు హీరోగా వంశీ పైడిపల్లి దర్శకతంలో తెరకెక్కుతున్న తాజా సినిమా “మహర్షి”. మహేష్ 25వ సినిమా కావడంతో ఈ సినిమా పై భారీ అంచనాలే నెలకొన్నాయి.దేవీశ్రీ ప్రసాద్ సంగీతం అందిస్తున్న ఈ చిత్రానికి సంబందించిన పాటలు మరియు టీజర్లను ఇప్పటికే మహేష్ అభిమానులు ఎంజాయ్ చేస్తున్నారు.అయితే ఎప్పుడు తన ఆడియో కానీ ప్రీ రిలీజ్ ఫంక్షన్ కానీ ఇతర హీరోల కన్నా కాస్త భిన్నంగా చేయడం అలవాటు.

మహేష్ 25వ సినిమా కావడంతో ఈ సినిమాను ప్రతిష్టాత్మకంగా తీసుకొని చిత్ర బృందం ప్రీ రిలీజ్ కు మహేష్ మరియు సూపర్ స్టార్ కృష్ణ అభిమానులకు ఒక సర్ప్రైజ్ ఏర్పాటు చేయనున్నట్టు తెలుస్తుంది. ఇప్పటి వరకు మహేష్ తో సినిమాలు చేసిన దర్శకులు అందరు ఈ ప్రీ రిలీజ్ వేడుకకు హాజరు కానున్నారట.ఇది మాత్రం మహేష్ అభిమానులకు ఊహించని గిఫ్ట్ అనే చెప్పాలి.ఈ చిత్రంలో మహేష్ సరసన పూజ హెగ్డే హీరోయిన్ గా నటిస్తుండగా అల్లరి నరేష్ ఒక ముఖ్య పాత్ర పోషిస్తారు.