MoviesTollywood news in telugu

పెదరాయుడు తర్వాత రజనీ, మోహన్ బాబు కలిసి ఎందుకు నటించలేదో…?

Mohan Babu And Rajnikanth :ఇండస్ట్రీలో కలెక్షన్ కింగ్, డైలాగ్ కింగ్ గా పేరొందిన మోహన్ బాబుకి తమిళ సూపర్ స్టార్ రజనీకాంత్ మంచి స్నేహితుడు. వీరిద్దరి కాంబినేషన్ లో వచ్చిన పెదరాయుడు అఖండ విజయాన్ని అందుకుంది. కానీ తర్వాత మళ్ళీ వీరి కాంబినేషన్ లో మూవీ రాలేదు. దీనికి కారణం ఏమిటనే వాదనలు అప్పుడప్పుడు వినిపిస్తున్నాయి. నిజానికి మోహన్ బాబు వరుస పరాజయాల సమయంలో చేయూత నిచ్చేందుకు పెదరాయుడు మూవీలో రజనీకాంత్ నటించాడు.

స్వయంగా తమిళ రీమేక్ హక్కులు కొని, మరీ మోహన్ బాబుచేత ఈ సినిమా తీయించింది రజనీయే. అంతేకాదు, రెమ్యునరేషన్ కూడా తీసుకోకుండా నటించి తన ఫ్రెండ్ మోహన్ బాబుకి రజనీకాంత్ భారీ సాయం అందించారు. పెదరాయుడు అఖండ విజయాన్ని దక్కించుకుంది. అప్పట్లో రజనీకాంత్ పాత్ర గురించి ఎక్కువమంది చర్చించుకున్నారు. అంతలా తన యాక్షన్ తో మెస్మరైజ్ చేసాడు రజనీకాంత్. ఈ సినిమా తర్వాత మరో సినిమా ఇద్దరి కాంబినేషన్ లో తీయాలని భావించారట.

అయితే పెదరాయుడు లాంటి సినిమా అయితే చేద్దామని, ఒకవేళ తేడా కొడితే ఇబ్బంది వస్తుందని మోహన్ బాబు స్వయంగా అనడమే కాదు, ఒకవేళ కథ నచ్చితే మీరే చెప్పండి చేద్దాం అని కూడా అనడంతో రజనీ సరేనన్నారట. అయితే ఇద్దరూ ఎవరి సినిమాల్లో బిజీగా ఉండడం, పేదరాయుడుని బ్రేక్ చేసే కథ రాకపోవడం, మరోవైపు పిల్లలను ఇండస్ట్రీకి తీసుకు వచ్చే క్రమంలో మోహన్ బాబు సినిమాలు తగ్గించుకోవడం వంటి కారణాల వలన రజనీకాంత్ తో ఎం మళ్లీ సినిమా చేసే ఛాన్స్ రాలేదు. అందుకే పెదరాయుడు వీరి కాంబోలో వచ్చిన స్వీట్ మెమరీ గానే ఉంటుంది.