Ragi Onion Pakodi:రాగి పిండితో ఇలా పకోడి చేసి చూడండి.. కరకరలాడుతూ భలే రుచిగా ఉంటుంది

Ragi Onion Pakodi Recipe: ఉల్లిపాయ పకోడి పేరు వింటేనే చాలు నోట్లో నీళ్లూరుతాయి. అందరు ఇష్టపడి తినే శనగ పిండి అందరికి సరిపడదు. అలాంటివారు రాగి పిండితో ఉల్లి పకోడి చేసి చూడండి ఎన్ని అయినా లాగించేయచ్చు.

కావాల్సిన పదార్ధాలు
రాగిపిండి- ½ కప్పు
పల్లీలు- ½ కప్పు
ఎండుమిర్చి – 7
ఉప్పు – రుచికి సరిపడా
జీలకర్ర – 1 టీ స్పూన్
ఉల్లిపాయ చీలికలు – 250 గ్రాములు
నూనె – ఫ్రై కి సరిపడా

తయారీ విధానం
1.పల్లీలు, ఎండుమిర్చి మిక్సిలో వేసి బరకగా పొడి చేసుకోవాలి.
2.గిన్నెలో ఉల్లిపాయ చీలికలు,ఉప్పు వేసి ఉల్లిపాయరసం పిండుతూ బాగా కలుపుకోవాలి.
3.పిండిన ఉల్లిపాయల్లో రాగి పిండి, గ్రైండ్ చేసుకున్న పల్లీ పొడి,జీలకర్ర వేసి బాగా కలుపుకోవాలి.

4.అవసరం అయితే కొద్ది కొద్దిగా నీళ్లు ఆడ్ చేసుకోని పిండిని తడిపొడిగా కలుపుకోవాలి.
5.స్టవ్ పై కడాయి పెట్టుకోని నూనె వేడి చేసి కలుపుకున్న పిండిని పకోడిలా జారవిడిచి మీడియం ఫ్లేమ్ పై వేపుకోవాలి.
6.పూర్తిగా చల్లారాక పకోడి కర కర లాడుతుంది.
Click Here To Follow Chaipakodi On Google News