Moringa tea vs green tea:మునగ టీ Vs గ్రీన్ టీ.. ఈ రెండింటిలో ఆరోగ్యానికి ఏది మంచిది..?

Moringa tea vs green tea benefits:వేసవి కాలమైన శీతాకాలం అయినా వర్షాకాలం అయిన మనలో చాలామంది చాలా ఇష్టంగా టీ తాగుతూ ఉంటారు. అయితే పాలతో తయారు చేసిన టీ తాగాల్సిన అవసరం లేదు. ఇప్పుడు మనకు ఎన్నో రకాల టీలు అందుబాటులో ఉన్నాయి. మన ఆరోగ్యానికి ప్రయోజనాన్ని అందించే రెండు టీల గురించి ఈరోజు తెలుసుకుందాం.

మునగ టీ
మునగ ఆకులు లేదా టీ బ్యాగులలో లభిస్తుంది. మనం తాజా ఆకులతో కూడా మునగ టీ తయారు చేసుకోవచ్చు. దీనిలో కెపిన్ అసలు ఉండదు. మునగ ఆకులలో పాలి పెనాల్స్ మరియు విటమిన్ సి సమృద్ధిగా ఉండటం వలన మన శరీరంలో హానికరమైన ఫ్రీ రాడికల్స్ ను తటస్తీకరించడంలో సహాయపడుతుంది. ఆక్సికరణ ఒత్తిడిని తగ్గించి గుండెకు సంబంధించిన సమస్యలు, డయాబెటిస్ వంటి దీర్ఘకాలిక వ్యాధులను తగ్గిస్తుంది.

శరీరంలో మంటను తగ్గించి నొప్పుల నుంచి ఉపశమనం కలిగిస్తుంది. దీనిలో విటమిన్ ఏ, విటమిన్ సి, విటమిన్ ఈ, విటమిన్ కె, ఐరన్, కాల్షియం, పొటాషియం, మెగ్నీషియం వంటి ముఖ్యమైన పోషకాలు సమృద్ధిగా ఉండటం వలన రోగ నిరోధక వ్యవస్థను బలోపేతం చేసి ఎటువంటి ఇన్ఫెక్షన్స్ రాకుండా కాపాడుతుంది. అలాగే ఎముకలు బలంగా ఆరోగ్యంగా ఉండేలా చేస్తుంది. ప్రతిరోజు మునగ ఆకులతో తయారుచేసిన టి తాగితే ఆరోగ్యంగా ఉండవచ్చు.

చెడు కొలెస్ట్రాల్ తగ్గించి రక్తపోటు నియంత్రణలో ఉండేలా చేసి గుండె ఆరోగ్యంగా ఉండేలా చేస్తుంది. అంతేకాకుండా యాంటీ డయాబెటికల్ లక్షణాలు ఉండటం వలన రక్తంలో చక్కర స్థాయిలను నియంత్రణలో ఉంచి డయాబెటిస్ నిర్వహణలో కూడా చాలా బాగా సహాయపడుతుంది. దీనిలో ఫైబర్ సమృద్ధిగా ఉండటం వలన కడుపు ఉబ్బరం, మలబద్ధకం వంటి సమస్యలను తొలగిస్తుంది.

మునగ టీలో ఐరన్ సమృద్ధిగా ఉండటం వలన శరీరమంతా ఆక్సిజన్ రవాణా చేయడానికి బాగా సహాయపడుతుంది. అలాగే విటమిన్ సి ఉండటం వలన ఐరన్ శోషణ ను పెంచుతుంది. ఈ టీ తాగితే అలసట లేకుండా ఉత్సాహంగా ఉంటారు.

ఇక గ్రీన్ టీ విషయానికి వచ్చేసరికి.. గ్రీన్ టీ లో యాంటీ ఆక్సిడెంట్ లక్షణాలు సమృద్ధిగా ఉండటం వలన కణాలు దెబ్బతినకుండా రక్షించడానికి సహాయపడుతుంది. గుండెకు సంబంధించిన సమస్యలు ఏమీ లేకుండా చేస్తుంది. ముఖ్యంగా గ్రీన్ టీ ని రెగ్యులర్గా తాగితే చెడు కొలెస్ట్రాల్ తొలగిపోతుంది. రక్తనాళాల పనితీరు మెరుగుపడి గుండెకు సంబంధించిన సమస్యలు ఏమీ లేకుండా చేస్తుంది.

అలాగే శరీరంలో అదనంగా ఉన్న కొవ్వును కరిగించి బరువు తగ్గటానికి సహాయపడుతుంది. అలాగే గ్రీన్ టీ లో ఉన్న లక్షణాలు న్యూరో ప్రొటెక్టివ్ ప్రభావాలను కలిగి మెదడు ఆరోగ్యాన్ని కాపాడుతుంది. అంతేకాకుండా చర్మ ఆరోగ్యానికి కూడా సహాయపడుతుంది.

అయితే ఈ రెండింటిలో ఏది మన ఆరోగ్యానికి మంచిది అన్న విషయాన్ని వచ్చేసరికి.. ఈ రెండింటిలోనూ విభిన్నమైన ఆరోగ్య ప్రయోజనాలు మరియు ప్రత్యేకమైన రుచి కలిగి ఉన్నాయి. ఈ రెండు కూడా మన ఆరోగ్యానికి మంచివే కాబట్టి మీ ప్రాధాన్యతను మరియు పోషక విలువల అవసరాన్ని బట్టి… ఎంపిక చేసుకోవచ్చు.

గమనిక:ఈ ఆర్టికల్ లో పేర్కొన్న అంశాలు, సూచనలు కేవలం మీకు అవగాహన కల్పించడం కోసమేనని గమనించగలరు. వీటిని వైద్య సలహాగా భావించకూడదు.

మరిన్ని చిట్కాల కోసం కింద లింక్ ని Copy చేసి చూడండి.
https://shorturl.at/ftM6u

Follow the ChaiPakodi WhatsApp channel:
https://whatsapp.com/channel/0029Va8ldZO4dTnMhzceGg1x

Amazon Offers కోసం కింద ఇచ్చిన లింక్ ని Click చేయండి.
https://amzn.to/3YqNRsQ