Chikmagalur Tourism:వీకెండ్ ట్రిప్ ప్లాన్ చేస్తున్నారా? బెంగళూరుకు దగ్గర్లోని ఈ ‘కాఫీ కప్పు’ హిల్ స్టేషన్ను అస్సలు మిస్ అవ్వకండి!
Chikmagalur Tourism:వీకెండ్ ట్రిప్ ప్లాన్ చేస్తున్నారా? బెంగళూరుకు దగ్గర్లోని ఈ ‘కాఫీ కప్పు’ హిల్ స్టేషన్ను అస్సలు మిస్ అవ్వకండి..కాంక్రీట్ జంగిల్లో రోజూ ఉరుకులు పరుగుల జీవితం.. ఎండల తీవ్రత.. వీటన్నింటి నుంచి కొద్దిరోజులు బ్రేక్ తీసుకుని ప్రకృతి ఒడిలో సేదతీరాలని ఉందా? అయితే, మన దక్షిణ భారతదేశంలోనే పశ్చిమ కనుమల ఒడిలో దాగి ఉన్న ఒక అద్భుతమైన హిల్ స్టేషన్ ఉంది. అదే కర్ణాటకలోని ‘చిక్కమంగళూరు’.
దీనిని ‘కర్ణాటక కాఫీ కప్పు’ అని కూడా పిలుస్తారు. పచ్చని అడవులు, వెండి జలపాతాలు, ఎత్తైన శిఖరాలతో పర్యాటకులకు స్వర్గధామంలా ఉండే ఈ ప్రాంతంలో చూడాల్సిన ముఖ్యమైన ప్రదేశాలు ఏంటో ఇప్పుడు తెలుసుకుందాం.
చిక్కమంగళూరులో తప్పక చూడాల్సిన ప్రదేశాలు:
1. ముల్లయ్యనగిరి శిఖరం (Mullayanagiri)
ఇది కర్ణాటక రాష్ట్రంలోనే అత్యంత ఎత్తైన శిఖరం. సముద్ర మట్టానికి 1,930 మీటర్ల ఎత్తులో ఉంటుంది. ట్రెక్కింగ్ ఇష్టపడేవారికి ఇది బెస్ట్ స్పాట్. ఇక్కడి నుంచి సూర్యోదయం, సూర్యాస్తమయం చూడటం కళ్లకు కట్టినట్లు ఉంటుంది. శిఖరంపై ఉన్న ముళ్ళప్ప స్వామి దేవాలయం ప్రత్యేక ఆకర్షణ.
2. బాబా బుడాన్ గిరి (మత సామరస్య ప్రతీక)
ఈ పర్వతాన్ని హిందువులు ‘దత్త పీఠం’గా కొలిస్తే, ముస్లింలు ‘బాబా బుడాన్’ దర్గాగా ఆరాధిస్తారు. ఇక్కడి కొండ పైనుంచి జారే మాణిక్యధార జలపాతంలో స్నానం చేస్తే పాపాలు పోతాయని భక్తుల నమ్మకం.
3. కెమ్మణ్ణుగుండి (మైసూర్ మహారాజుల వేసవి విడిది)
దీనిని పశ్చిమ కనుమల రాణి అని, కే.ఆర్. హిల్స్ అని కూడా అంటారు. మైసూర్ మహారాజులు దీనిని తమ వేసవి విడిదిగా ఉపయోగించేవారు. ఇక్కడి నుంచి 8 కిలోమీటర్ల దూరంలో ఉండే ‘హెబ్బే జలపాతం’ రెండు అంచెలుగా పడుతూ కనువిందు చేస్తుంది.
4. కుదురేముఖ్ పర్వత శ్రేణి
ఒకవైపు నుంచి చూస్తే ఈ పర్వతం కచ్చితంగా ‘గుర్రం ముఖం’ (కుదురేముఖ్) ఆకారంలో కనిపిస్తుంది. ఇక్కడి నేషనల్ పార్క్ ప్రపంచంలోని అత్యుత్తమ జీవవైవిధ్య కేంద్రాలలో ఒకటి. సమీపంలోని 100 అడుగుల హనుమాన్ గుండి జలపాతం మరో అద్భుతం.
5. దేవిరమ్మ ఆలయం (ఏడాదికి ఒక్కరోజే దర్శనం)
ఈ కొండపైన ఉన్న ప్రధాన ఆలయాన్ని కేవలం దీపావళి పండుగ మొదటి రోజు మాత్రమే తెరుస్తారు. ఆ ఒక్కరోజే లక్షలాది మంది భక్తులు కఠినమైన కొండను ఎక్కి అమ్మవారిని దర్శించుకుంటారు.
6. భద్ర వన్యప్రాణి అభయారణ్యం (టైగర్ రిజర్వ్)
ప్రకృతి, జంతువులను ఇష్టపడేవారు తప్పక చూడాల్సిన ప్రదేశం ఇది. ఇక్కడ అటవీ శాఖ జీప్ సఫారీలను నిర్వహిస్తుంది. పులులు, చిరుతలు, ఏనుగులు, 250కి పైగా రకాల పక్షులను ఇక్కడ చూడొచ్చు. భద్ర డ్యామ్ బ్యాక్ వాటర్స్లో బోటింగ్ కూడా చేయొచ్చు.
7. శృంగేరి పుణ్యక్షేత్రం
ఆది శంకరాచార్యులు స్థాపించిన నాలుగు ప్రధాన మఠాలలో ఇది మొదటిది. తుంగా నది తీరాన ఉన్న ఈ పవిత్ర క్షేత్రంలో జ్ఞానానికి అధిదేవత అయిన శారదా దేవి కొలువై ఉంది.
ఎలా వెళ్లాలి?
రోడ్డు మార్గం: బెంగళూరు నుంచి 245 కిలోమీటర్ల దూరం. హాసన్ మీదుగా నేషనల్ హైవే (NH 75) ద్వారా చేరుకోవచ్చు.
రైలు మార్గం: సమీప రైల్వే స్టేషన్ కడూర్ (Kadur). ఇక్కడి నుంచి చిక్కమంగళూరుకు 40 కి.మీ.
విమాన మార్గం: సమీప ఎయిర్పోర్టులు మంగళూరు లేదా బెంగళూరు.
ఈ వేసవిలో పచ్చని ప్రకృతి మధ్య, చల్లని గాలులతో ప్రశాంతంగా గడపాలనుకుంటే.. చిక్కమంగళూరు బెస్ట్ ఛాయిస్!
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.
https://www.telugulifestyle.com/