Hair Growth Tips: బియ్యంతో ఇలా చేస్తే.. పల్చటి జుట్టు కూడా ఒత్తుగా, పొడవుగా పెరగడం ఖాయం!
ఈ రోజుల్లో వయసుతో సంబంధం లేకుండా చాలామందిని వేధిస్తున్న అతి పెద్ద సమస్య జుట్టు రాలడం (Hair Fall). దువ్వెన పట్టుకుంటే చాలు జుట్టు ఊడిపోతుంటే.. కంగారు పడిపోయి మార్కెట్లో దొరికే రకరకాల కెమికల్ ప్రొడక్ట్స్ వాడేస్తుంటారు. వీటి వల్ల డబ్బు వృధా అవ్వడమే కాకుండా, కొన్నిసార్లు సైడ్ ఎఫెక్ట్స్ వచ్చే ప్రమాదం కూడా ఉంది.
అలా కాకుండా, మన ఇంట్లో సహజ సిద్ధంగా దొరికే వస్తువులతోనే జుట్టు రాలడాన్ని అరికట్టి, కురులు ఒత్తుగా పెరిగేలా చేసుకోవచ్చు. జుట్టు రాలిన ప్రదేశంలోనే కొత్త జుట్టు మొలిపించే అద్భుతమైన ఇంటి చిట్కా ఏంటో ఇప్పుడు తెలుసుకుందాం.
ఈ చిట్కాకు కావాల్సిన పదార్థాలు:
బియ్యం (Rice): 3 స్పూన్లు
ఎర్ర మందార పూల రేకలు: గుప్పెడు (తాజా పూలు లేకపోతే 1 స్పూన్ మందార పొడి వాడొచ్చు)
ఆముదం (Castor Oil): 1 స్పూన్
విటమిన్ E క్యాప్సూల్స్ (Vitamin E): 2
నీళ్లు: 1 గ్లాసు
తయారీ విధానం:
ముందుగా ఒక బౌల్ తీసుకుని అందులో మూడు స్పూన్ల బియ్యం వేసి నీటితో శుభ్రంగా కడగాలి.
ఇప్పుడు స్టవ్ వెలిగించి ఒక గిన్నెలో గ్లాసు నీళ్లు పోసి కొద్దిగా వేడి చేయాలి.
నీళ్లు కొంచెం వేడెక్కాక, అందులో కడిగి పెట్టుకున్న బియ్యం, మందార పూల రేకలు వేసి సుమారు 10 నిమిషాల పాటు బాగా మరిగించాలి.
ఆ తర్వాత స్టవ్ ఆఫ్ చేసి, ఆ నీటిని ఒక బౌల్ లోకి వడగట్టి (Strain) పూర్తిగా చల్లారనివ్వాలి.
నీళ్లు చల్లారిన తర్వాత, అందులో ఒక స్పూన్ ఆముదం, రెండు విటమిన్ E క్యాప్సూల్స్ లోని నూనెను వేసి అన్నీ కలిసేలా బాగా మిక్స్ చేయాలి.
ఎలా అప్లై చేయాలి?
తయారుచేసుకున్న ఈ మిశ్రమాన్ని జుట్టు కుదుళ్ల (Roots) నుండి చివర్ల వరకు బాగా పట్టించాలి.
అలా అప్లై చేసిన తర్వాత సరిగ్గా అరగంట పాటు ఆరనివ్వాలి.
ఆ తర్వాత కుంకుడుకాయలతో (లేదా గాఢత తక్కువగా ఉండే హెర్బల్ షాంపూతో) తలస్నానం చేయాలి.
ఇవి కూడా చదవండి:
ఎన్నిసార్లు వాడాలి?
ఈ విధంగా వారంలో రెండు సార్లు క్రమం తప్పకుండా చేస్తూ ఉంటే జుట్టు రాలే సమస్య పూర్తిగా తగ్గిపోతుంది. బియ్యం ఉడికించిన నీరు (Rice Water) కుదుళ్లకు బలాన్ని ఇస్తే, విటమిన్ E మరియు ఆముదం జుట్టు డ్యామేజ్ కాకుండా కాపాడి ఒత్తుగా, పొడవుగా పెరిగేలా చేస్తాయి.
ఎలాంటి సైడ్ ఎఫెక్ట్స్ లేని, తక్కువ ఖర్చుతో కూడిన ఈ న్యాచురల్ రెమెడీని మీరూ ఫాలో అయి చూడండి!
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
Source: chaipakodi.com