Silver Rate Today: వెండి ప్రియులకు శుభవార్త.. భారీగా పతనమైన సిల్వర్ ధరలు, నేటి రేటు ఎంతంటే?

Silver Rate Today: వెండి ఆభరణాలు, వస్తువులు కొనాలనుకునే వారికి ఇది నిజంగా పండగే! గత నెలలో రికార్డులు సృష్టిస్తూ ఏకంగా రూ.3 లక్షల మార్కును తాకిన వెండి ధర.. ఇప్పుడు అమాంతం కిందకి దిగొచ్చింది. శనివారం (జూన్ 6) బులియన్ మార్కెట్లో సిల్వర్ రేట్లు భారీగా పతనమయ్యాయి.

నేటి (06 జూన్ 2026) వెండి ధరలు ఎలా ఉన్నాయంటే:
ఒక కేజీ వెండి ధర: రూ. 2,54,782

అంతర్జాతీయ మార్కెట్లో: ఒక ఔన్స్ సిల్వర్ ధర కేవలం 67 డాలర్లు పలుకుతోంది.

గత మే నెలలో గరిష్ట స్థాయి (రూ. 3 లక్షలు) తో పోలిస్తే, ప్రస్తుతం కేజీ వెండిపై దాదాపు రూ. 50,000 వరకు తగ్గడం సామాన్యులకు పెద్ద ఊరట.

వెండి ధరలు ఒక్కసారిగా ఎందుకు తగ్గాయి?
బంగారం తరహాలోనే వెండి ధరలు కూడా అంతర్జాతీయ మార్కెట్ పరిణామాలపైనే ఆధారపడి ఉంటాయి. ఈ పతనానికి ప్రధానంగా 3 కారణాలు ఉన్నాయి:

డాలర్ బలం: అంతర్జాతీయ మార్కెట్లో అమెరికన్ డాలర్ విలువ విపరీతంగా బలపడటం వల్లే వెండి రేట్లు తగ్గుముఖం పట్టాయి.

ట్రెజరీ బాండ్ల వైపు పెట్టుబడులు: డాలర్ బలపడటంతో ఇన్వెస్టర్లు సురక్షితమైన అమెరికా ట్రెజరీ బాండ్లలో పెట్టుబడులు పెట్టేందుకు ఆసక్తి చూపిస్తున్నారు. దీంతో వెండి నుంచి పెట్టుబడులను వెనక్కి తీసుకుంటున్నారు.

లాభాల స్వీకరణ: పసిడి తరహాలోనే వెండిని కూడా సురక్షిత పెట్టుబడిగా భావిస్తారు. గత ఏడాది కాలంలో వెండి ఏకంగా 180 శాతం లాభాలను అందించింది. దీంతో భారీగా లాభాలు వచ్చిన నేపథ్యంలో ఇన్వెస్టర్లు ఇప్పుడు లాభాల స్వీకరణకు (Profit booking) దిగారు.

ఇప్పుడు వెండిలో పెట్టుబడి పెట్టొచ్చా?
వెండి ధరలు ప్రస్తుతం తగ్గినప్పటికీ, భవిష్యత్తులో మళ్లీ పెరిగే అవకాశాలు పుష్కలంగా ఉన్నాయని నిపుణులు చెబుతున్నారు. ప్రపంచవ్యాప్తంగా వెండికి ఇండస్ట్రియల్ డిమాండ్ (పారిశ్రామిక అవసరాలు) భారీగా పెరుగుతోంది.

దీనికి తోడు సిల్వర్ ఈటీఎఫ్ (Silver ETF) బాండ్లలో పెట్టుబడి పెట్టే వారి సంఖ్య కూడా రికార్డు స్థాయిలో పెరుగుతోంది. కాబట్టి, దీర్ఘకాలిక పెట్టుబడులు పెట్టేవారు ఆచితూచి సరైన సమయంలో నిర్ణయం తీసుకోవడం మంచిది.

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.

Source: chaipakodi.com