ఉదయాన్నే పెరుగులో అరటిపండు కలుపుకుని తింటే శరీరంలో జరిగే మ్యాజిక్ ఇదే!

నమస్తే అండీ! పండ్లలో రారాజు లాంటి అరటిపండు, అమృతం లాంటి పెరుగు.. ఈ రెండింటిలోనూ ఎన్ని పోషకాలు ఉంటాయో మనందరికీ తెలిసిందే. అయితే, వీటిని విడివిడిగా కాకుండా రెండింటినీ కలిపి తింటే మన శరీరానికి రెట్టింపు లాభాలు కలుగుతాయని మీకు తెలుసా?

అవునండీ, అరటిపండులోని ఫైబర్, పెరుగులో ఉండే ప్రోబయోటిక్ (మంచి) బ్యాక్టీరియా కలిస్తే మన శరీరానికి ఒక సూపర్ ఫుడ్ లాగా పనిచేస్తుంది. మరి ఉదయాన్నే ఈ కాంబినేషన్ తింటే ఏమేం లాభాలు ఉన్నాయో చూసేద్దామా!

పెరుగు – అరటిపండుతో కలిగే అద్భుతమైన ప్రయోజనాలు ఇవే:
ఎముకలకు కొండంత బలం: ఈ రెండూ కలిసినప్పుడు శరీరానికి కావాల్సినంత క్యాల్షియం అందుతుంది. దీనివల్ల ఎముకలు దృఢంగా మారి, మోకాళ్ల నొప్పులు, కీళ్ల నొప్పుల నుంచి మంచి ఉపశమనం కలుగుతుంది.

రోజంతా ఫుల్ ఎనర్జీ: ఉదయం బ్రేక్ ఫాస్ట్ లో ఈ మిశ్రమాన్ని తీసుకుంటే.. రోజంతా నీరసం, అలసట, నిస్సత్తువ అనేవే ఉండవు. మీరు చేసే పనిలో చాలా చురుకుగా పాల్గొంటారు.

సులువుగా బరువు తగ్గుతారు: అరటిపండు, పెరుగు కలిపి తినడం వల్ల పొట్ట చాలాసేపు నిండినట్లుగా (ఫుల్ గా) అనిపిస్తుంది. త్వరగా ఆకలి వేయదు. దీంతో జంక్ ఫుడ్ తినడం మానేస్తారు, తద్వారా సులువుగా బరువు తగ్గుతారు.

చెడు కొలెస్ట్రాల్ కు చెక్: శరీరంలో పేరుకుపోయిన బ్యాడ్ కొలెస్ట్రాల్ ను కరిగించి, గుండెను ఆరోగ్యంగా ఉంచడంలో ఈ కాంబినేషన్ అద్భుతంగా పనిచేస్తుంది.

ఇమ్యూనిటీ బూస్టర్: పెరుగులోని ప్రోబయోటిక్స్ మన శరీరంలో రోగనిరోధక శక్తిని అమాంతం పెంచుతాయి. వ్యాధికారక బ్యాక్టీరియా మన శరీరంలోకి ఎంటర్ అవ్వగానే వాటి పై దాడి చేసి ఇన్ఫెక్షన్లు రాకుండా కాపాడతాయి.

జీర్ణక్రియ – మలబద్ధకం: ఫైబర్, మంచి బ్యాక్టీరియా కలయిక వల్ల తిన్న ఆహారం త్వరగా జీర్ణమవుతుంది. చాలామందిని వేధించే మలబద్ధకం సమస్య ఇట్టే మాయం అవుతుంది.

ఎప్పుడు తినాలి?
దీనిని ఉదయం పూట బ్రేక్ ఫాస్ట్ సమయంలో తీసుకుంటే చాలా మంచి రిజల్ట్స్ ఉంటాయి. ఒకవేళ ఉదయం హడావిడిలో కుదరని వాళ్లు.. సాయంత్రం పూట స్నాక్ లాగా కూడా తీసుకోవచ్చు.

ఇంకెందుకు ఆలస్యం.. రేపటి నుంచే ఈ టేస్టీ అండ్ హెల్తీ కాంబినేషన్ ను మీ డైట్ లో చేర్చేసుకోండి!

గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.

Source: chaipakodi.com