కొర్రలతో పెసరట్టు ఎప్పుడైనా ట్రై చేశారా? టేస్ట్కి టేస్ట్, ఆరోగ్యానికి ఆరోగ్యం!
Millets Pesarattu: ఉదయాన్నే హడావిడిలో రుచి, ఆరోగ్యం రెండూ బ్యాలెన్స్ చేయడం కష్టంగా అనిపిస్తుందా? అయితే మీ బ్రేక్ఫాస్ట్ మెనూలో ఈ ‘కొర్రల పెసరట్టు’ చేర్చుకోవాల్సిందే!
సాధారణ పెసరట్టు కంటే ఇది చాలా కరకరలాడుతూ ఉండటమే కాకుండా, మిల్లెట్స్ (సిరిధాన్యాలు) కలవడం వల్ల ఆరోగ్యానికి ఎంతో మేలు చేస్తుంది. ముఖ్యంగా బరువు తగ్గాలనుకునేవారికి, షుగర్ ఉన్నవారికి ఇది పర్ఫెక్ట్ ఛాయిస్. మరి ఇంత హెల్తీ అండ్ టేస్టీ రెసిపీని ఇంట్లోనే సులభంగా ఎలా చేయాలో ఈ ఆర్టికల్లో చూసేయండి.
పుల్లట్టు ,మినపట్టు,పెసరట్టు రెగ్యులర్ టిఫిన్స్ లోకి చేస్తుంటాం. కాస్తా హెల్తీగా కావాలనుకుంటే మిల్లెట్స్ తో పెసరట్టు ట్రై చేయండి.
కావాల్సిన పదార్ధాలు
ఫాక్స్ టైల్ మిల్లెట్స్ (కొర్రలు) – 1 కప్పు
పెసలు – 1 కప్పు
అల్లం – కొద్దిగా
పచ్చిమిర్చి – 3
జీలకర్ర – 1 టీ స్పూన్
ఉప్పు – రుచికి సరిపడా
తయారీ విధానం
1.కొర్రలను,పెసలను కడిగి ఐదుగంటల పాటు నానబెట్టుకోవాలి.
2.నానిన తర్వాత మిక్సి జార్ లో వేసుకోని బరకగా గ్రైండ్ చేసుకోవాలి.
3. ఇప్పుడు అందులోకి అల్లం,పచ్చిమిర్చి వేసి మెత్తగా గ్రైండ్ చేసుకోవాలి.
4.గ్రైండ్ చేసుకున్న పిండిని వేరొక గిన్నెలో తీసుకోవాలి.
5.అందులోకి ఉప్పు ,జీలకర్ర వేసి బ్యాటర్ సిధ్దం చేసుకోవాలి.
6.ఇప్పుడు పెసరట్టుకోసి స్టవ్ పై ప్యాన్ పెట్టుకోని వేడెక్కాకా గరిటడు బ్యాటర్ ని వేసి అట్టుని స్ప్రెడ్ చేసుకోవాలి.
7.పెసటరట్టుపై నూనె లేదా నెయ్యి అంచుల పై వేసి ఉల్లిపాయ,పచ్చిమిర్చి తరుగు చల్లుకోవాలి.
8.అట్టు బ్రౌన్ కలర్ లోకి మారాకా పెనం నుంచి తీసి ప్లేట్ లోకి వేసుకోవాలి.
9.అంతే వేడి వేడి మిల్లెట్స్ పెసరట్టు రెడీ.