ఒంట్లో వేడిని ఇట్టే తగ్గించే కమ్మటి సొరకాయ పెసరపప్పు.. ఇలా వండితే రుచి అదుర్స్!

Sorakaya Pesarapappu:సొరకాయ, పెసరపప్పు.. ఈ రెండు మన ఆరోగ్యానికి ఎంతో మేలు చేసే పదార్థాలు. ముఖ్యంగా శరీరంలో వేడి (Body heat) ఎక్కువగా ఉన్నప్పుడు, జీర్ణ సమస్యలు ఉన్నప్పుడు ఈ కాంబినేషన్ ఒక ఔషధంలా పనిచేస్తుంది.

కడుపులో చల్లగా, నోటికి కమ్మగా ఉండే ఈ సొరకాయ పెసరపప్పు కూరను వేడి వేడి అన్నం లేదా చపాతీతో తింటే ఆ రుచే వేరు. ఒంట్లో వేడిని ఇట్టే తగ్గించి, ఆరోగ్యంతో పాటు అద్భుతమైన రుచినిచ్చే ఈ హెల్తీ కర్రీని సులభంగా, కమ్మటి రుచితో ఎలా తయారు చేయాలో ఈ ఆర్టికల్‌లో వివరంగా చూద్దాం.

సొరకాయ పెసర పప్పు.. శరీరంలో కొవ్వును తగ్గించి చలువ చేసే సొరకాయ కూర ఎక్కువగా ఇష్టపడరు. కాని కాసింత పెసర పప్పు జోడించి చేసి చూడండి తప్పకుండా నచ్చుతారు.

కావాల్సిన పదార్ధాలు
సొరకాయ – 1
పెసర పప్పు – ½ కప్పు
ఉల్లిపాయ -1
పచ్చిమిర్చి – 5
అల్లం వెల్లుల్లి పేస్ట్ – 1 టీ స్పూన్
పసుపు – ½ టీస్పూన్
ఉప్పు – 1 టీ స్పూన్
కరివేపాకు – ½ టీ స్పూన్

తయారీ విధానం
1.సొరకాయను ముందుగా తురిమి పెట్టుకోవాలి.
2.పెసరపప్పును అరగంట పాటు నానబెట్టుకోవాలి.
3.ఇప్పుడు స్టవ్ పై ప్యాన్ పెట్టుకోని అందులోకి ఆయిల్ యాడ్ చేసి అందులోకి ఆవాలు,జీలకర్ర,ఉల్లిపాయల తరుగు వేసి వేపుకోవాలి.
4.ఉల్లిపాయలు వేగాక అందులోకి పచ్చిమిర్చి ,కరివేపాకు,పసుపు,అల్లం వెల్లుల్లి పేస్ట్ వేసి నిమిషం పాటు వేగనివ్వాలి.

5.ఇప్పుడు అందులోకి సొరకాయ తురుము వేసి బాగా కలుపుకోని మూతపెట్టి ఉడికించుకోవాలి.
6.సొరకాయ బాగా ఫ్రై అయ్యాక అందులోకి తగినంత ఉప్పు వేసి నానబెట్టుకున్న పెసర పప్పును యాడ్ చేసుకోవాలి.
7.సొరకాయ పెసరప్పును కలుపుతూ పదినిమిషాల పాటు ఉడకించుకోవాలి.
8.చివరగా కొత్తిమీర చల్లుకోని స్టవ్ ఆఫ్ చేసుకుంటే కమ్మని సోరకాయ పప్పు కూర రెడీ.
(sorakaya pesarapappu in telugu, bottle gourd moong dal recipe, sorakaya pappu telugu, sorakaya kura, healthy dal recipes telugu, pesarapappu recipes in telugu)