గొంతులో కిచ్ కిచ్, గరగర వేధిస్తున్నాయా? నిమిషాల్లో రిలీఫ్ ఇచ్చే అద్భుతమైన ఇంటి చిట్కా!
Cough and Cold home remedies : వాతావరణం మారినప్పుడల్లా లేదా చల్లటి పదార్థాలు తీసుకున్నప్పుడు చాలామందిని వేధించే ప్రధాన సమస్య గొంతు నొప్పి. గొంతులో కిచ్ కిచ్, గరగర, ఉమ్మి మింగడానికి కూడా ఇబ్బందిగా ఉండటం, గొంతు ఇన్ఫెక్షన్ మరియు దానివల్ల తల, మెడ భాగాల్లో వచ్చే నరాల నొప్పి మనల్ని తీవ్ర ఇబ్బందికి గురిచేస్తాయి. ఇలాంటప్పుడు వెంటనే ఇంగ్లీష్ మందులు, యాంటీబయాటిక్స్ వేసుకునే బదులు మన వంటింట్లో ఉండే సహజసిద్ధమైన చిట్కాలతో కేవలం నిమిషాల్లోనే అద్భుతమైన ఉపశమనం పొందవచ్చు.
గొంతు సమస్యలను మరియు నొప్పులను తక్షణమే మాయం చేసే ఆ అద్భుత ప్రయోజనాలు మరియు చిట్కాలు ఏంటో ఇప్పుడు చూద్దాం:
ప్రస్తుతం విపరీతమైన చలి,మంచు కారణంగాను, ప్రస్తుతం ఉన్న పరిస్థితిలో దగ్గు,జలుబు,గొంతు నొప్పి వంటివి వస్తున్నాయి. అలాగే గొంతులో కిచ్ కిచ్,గరగర, గొంతు నరాల నొప్పి,గొంతు ఇన్ ఫెక్షన్ వంటివి కూడా వరుసగా వచ్చేస్తాయి. ఈ సమస్యలు ప్రారంభంలో ఉంటే ఇంటి చిట్కాలు బాగా పనిచేస్తాయి.
సమస్య తీవ్రంగా ఉంటే మాత్రం డాక్టర్ ని సంప్రదించి డాక్టర్ చెప్పిన సూచనలను పాటిస్తూ ఇంటి చిట్కాను ఫాలో అయితే చాలా తొందరగా ఫలితం వస్తుంది. దీని కోసం పొయ్యి మీద గిన్నె పెట్టి ఒక గ్లాస్ నీటిని పోసి కొంచెం వేడి అయ్యాక అరచెక్క నిమ్మరసం, పావు స్పూన్ మిరియాల పొడి వేసి మూడు నిమిషాలు మరిగించాలి.
మరిగిన ఈ నీటిని గ్లాస్ లో పోసి అరస్పూన్ తేనె కలిపి గోరువెచ్చగా ఉన్నప్పుడు తాగాలి. ఈ నీటిని ఉదయం ఒకసారి, సాయంత్రం ఒకసారి తాగితే చాలా తొందరగా గొంతు సమస్యలు అన్ని తొలగిపోతాయి. అలాగే ఈ నీటిని తాగుతూ మరొక చిట్కాను కూడా ఫాలో అయితే ఇంకా తొందరగా ఉపశమనం కలుగుతుంది.
ఒక గ్లాస్ గోరువెచ్చని నీటిలో అరస్పూన్ గరుగు ఉప్పు వేసి బాగా కలపాలి. ఈ ఉప్పు నీటిని గొంతులో పోసుకుని పుక్కిలించడం వల్ల గొంతు నొప్పి నుంచి ఉపశమనం కలుగుతుంది. ఇప్పుడు చెప్పిన రెండు చిట్కాలను పాటిస్తే చాలా తొందరగా గొంతుకి సంబందించిన సమస్యలు తగ్గుతాయి. నిమ్మకాయ,మిరియాలు,తేనెలో ఉన్న లక్షణాలు తొందరగా ఉపశమనం కలిగేలా చేస్తాయి.
ఈ సీజన్ లో వచ్చే సమస్యలను తగ్గించుకోవటానికి ఇంటి చిట్కాలు చాలా బాగా సహాయపడతాయి. కాస్త ఓపికగా సమయాన్ని కేటాయించి చేస్తే ఎటువంటి సైడ్ ఎఫెక్ట్స్ లేకుండా సమస్యల నుండి బయట పడవచ్చు. తేనె,నిమ్మరసం,మిరియాలు ఈ మూడు మనకు సులభంగానే అందుబాటులో ఉంటాయి.
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
Source: chaipakodi.com