ఫంక్షన్ కి వెళ్లే ముందు తెల్ల జుట్టు టెన్షనా? ఇంట్లోనే ఈ నాచురల్ డై నిమిషాల్లో వేసుకోండి!
నాకు ఈ మధ్య హెయిర్ కలర్ వేసుకోవడం ఒక పెద్ద సమస్యగా మారిపోయింది. తెల్ల జుట్టు కవర్ చేసుకోవడానికి మార్కెట్లో దొరికే కెమికల్ డైలు వాడితే జుట్టు ఇంకా ఊడిపోతుందేమో అని భయం. పైగా ఆ డైలు కలుపుకుని, గంటల తరబడి తలకి పట్టించుకుని కూర్చోవడం నావల్ల అయ్యే పని కాదు. సడెన్ గా ఏదైనా ఫంక్షన్ కి వెళ్లాలంటే మాత్రం ఈ తెల్ల జుట్టుతో చాలా ఇబ్బందిగా అనిపించేది. సరిగ్గా అప్పుడే నాకు ఈ అద్భుతమైన ఇన్స్టెంట్ హోమ్ మేడ్ న్యాచురల్ డై గురించి తెలిసింది.
కేవలం మన ఇంట్లో ఉండే టీ పొడితో ఇంత సహజంగా, అప్పటికప్పుడు కలర్ ఎలా వేసుకోవచ్చో ట్రై చేసి చూశాను. దీని రిజల్ట్ చూశాక నాకు మార్కెట్ డైల అవసరమే రాలేదు. నా ఈ సొంత అనుభవాన్ని, ఈ న్యాచురల్ హెయిర్ కలర్ ఎలా తయారు చేసుకోవాలో మీతో పంచుకుంటున్నాను.
ఈ న్యాచురల్ డై కోసం కావాల్సినవి:
టీ పొడి – 2 స్పూన్లు
కలోంజి సీడ్స్ (Kalonji Seeds) – 2 స్పూన్లు (ఇవి సూపర్ మార్కెట్స్ లేదా కిరాణా షాపుల్లో దొరుకుతాయి)
పసుపు – 1 స్పూన్
ఆవాల నూనె (Mustard Oil) – తగినంత
కాఫీ పొడి – 1 స్పూన్
(నోట్: పసుపు వల్ల తెల్ల జుట్టు వస్తుందని నేను కూడా ఒకప్పుడు భయపడేదాన్ని. కానీ పసుపు మన జుట్టులో ఇన్ఫెక్షన్స్ ని పోగొట్టి, జుట్టు రంగు మారడానికి సహజంగా హెల్ప్ చేస్తుందని సైన్స్ కూడా చెబుతోంది. అలాగే జుట్టు కుదుళ్లకు బ్లడ్ సర్క్యులేషన్ పెంచి జుట్టు రాలకుండా కాపాడుతుంది.)

హోమ్ మేడ్ డై తయారీ విధానం:
స్టెప్ 1 – పౌడర్ ప్రిపరేషన్:
ముందుగా ఒక కడాయి తీసుకుని స్టవ్ వెలిగించాలి. అందులో 2 స్పూన్ల టీ పొడి, 2 స్పూన్ల కలోంజి సీడ్స్, 1 స్పూన్ పసుపు వేసి సన్నని మంట మీద బాగా వేయించాలి. అవి బాగా నల్లగా మాడే వరకు (చేత్తో పట్టుకుంటే మనకి నల్లటి రంగు అంటేలా) ఫ్రై చేయాలి. ఈ కలోంజి సీడ్స్ వేగుతున్నప్పుడు ఇల్లంతా ఒక ఘాటైన వాసన వస్తుంది.
ఇవి బాగా వేగాక స్టవ్ ఆపేసి, చల్లారనివ్వాలి. ఆ తర్వాత వీటిని మిక్సీలో వేసి చాలా మెత్తటి పౌడర్ లా గ్రైండ్ చేసుకోవాలి. (ఈ పౌడర్ ను మీరు ఒక గాజు సీసాలో నిల్వ చేసుకుని ఎప్పుడు కావాలంటే అప్పుడు వాడుకోవచ్చు).
స్టెప్ 2 – ఇన్స్టెంట్ డై కలుపుకోవడం:
ఒక చిన్న గిన్నెలో మనకు సరిపడా ఈ బ్లాక్ పౌడర్ ని వేసుకోవాలి. ఇందులో కొద్దిగా ఆవాల నూనె వేసి ఉండలు లేకుండా కలుపుకోవాలి. ఇప్పుడు దీన్ని స్టవ్ మీద పెట్టి చిన్న మంట మీద కొద్దిగా వేడి చేయాలి. ఇది మరుగుతున్నప్పుడు ఒక స్పూన్ కాఫీ పొడి కూడా ఇందులో వేసుకోవాలి. అంతే! ఇది కాస్త చిక్కబడిపోయి పర్ఫెక్ట్ నాచురల్ బ్లాక్ డై తయారవుతుంది.
ఎలా అప్లై చేయాలి? (నా అనుభవం)
దీన్ని గంటల తరబడి తలకు పెట్టుకుని వెయిట్ చేయాల్సిన పనే లేదు. మీరు ఎటైనా బయటికి వెళ్లాలి లేదా ఏదైనా ఫంక్షన్ కి వెళ్లాలి అనుకున్నప్పుడు.. మీ తెల్ల జుట్టు ఎక్కడెక్కడ ఉందో అక్కడ ఒక చిన్న హెయిర్ బ్రష్ తీసుకుని ఈ డైని అప్లై చేసేయండి. ఇది నూనె బేస్ తో ఉంటుంది కాబట్టి, జుట్టుకి చక్కగా అంటుకుపోతుంది. జుట్టు మంచిగా దువ్వుకుని మీరు ఫంక్షన్ కి వెళ్లిపోవచ్చు. ఎవ్వరికీ మీరు డై వేసినట్లు కూడా తెలియదు.
మీకు ఎప్పుడు కావాలంటే అప్పుడు షాంపూతో తలస్నానం చేసుకోవచ్చు. కెమికల్స్ లేని ఈ న్యాచురల్ రెమిడీని వాడటం వల్ల మన హెయిర్ డ్యామేజ్ అవ్వదు సరికదా, క్రమక్రమంగా జుట్టు సహజంగా నల్లగా మారడం స్టార్ట్ అవుతుంది. నా తెల్ల జుట్టుకి ఇది ఒక వరంగా అనిపించింది. మీరూ ట్రై చేసి చూడండి!
గమనిక:వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
Source: chaipakodi.com

