కిచెన్లో 3 బర్నర్ల స్టవ్ వాడుతున్నారా? వాస్తు ప్రకారం ఇంట్లో గొడవలు రావడానికి ఇదే కారణమా?
ఉదయం హడావిడిలో వంట తొందరగా అయిపోతుందని మొన్నామధ్య నేను మురిపెంగా మూడు బర్నర్ల గ్యాస్ స్టవ్ కొనుక్కున్నాను. తీరా ఇంటికి తెచ్చాక, ఒకరోజు మా బంధువులు వచ్చి “అదేంటి 3 బర్నర్ల స్టవ్ కొన్నావు?
వాస్తు ప్రకారం మూడు బర్నర్లు ఉండకూడదు.. ఇంట్లో గొడవలు, ఆర్థిక నష్టాలు వస్తాయి” అని ఒకటే భయపెట్టారు. దానికి తోడు సోషల్ మీడియాలో కూడా ఇలాంటి వార్తలు, వీడియోలు చాలానే కనిపించాయి. కొత్త స్టవ్ కొన్న సంతోషం కాస్తా ఆ భయంతో ఆవిరైపోయింది.
అసలు నిజంగానే వాస్తు శాస్త్రంలో అలా ఉందా? అని నాకసలే ప్రశాంతత లేక, మాకు తెలిసిన వాస్తు నిపుణులను అడిగాను. అలాగే నోబ్రోకర్, వాస్తుశాల లాంటి నమ్మకమైన వెబ్సైట్లలో చాలా రీసెర్చ్ చేశాను. అప్పుడు నాకు తెలిసిన నిజం చూసి.. ‘హమ్మయ్య’ అనుకున్నాను!
నిపుణులు చెప్పిన అసలు నిజం ఏంటంటే..
గ్యాస్ స్టవ్కి ఎన్ని బర్నర్లు ఉన్నాయనే దానికీ, వాస్తుకూ ఎలాంటి సంబంధం లేదు! రెండు, మూడు, నాలుగు.. ఇలా మీకు వంటకు ఏది వీలుగా ఉంటే అది వాడుకోవచ్చు. బేసి సంఖ్య కాబట్టి 3 బర్నర్లు అరిష్టం అనేది కేవలం ఒక అపోహ మాత్రమే.
పురాతన వాస్తు గ్రంథాల్లో ఎక్కడా దీని గురించి నిషేధం లేదు. అసలైన వాస్తు నియమాలు బర్నర్ల సంఖ్య మీద కాదు, మనం స్టవ్ ఎక్కడ పెడుతున్నాం అనేదానిపై ఆధారపడి ఉంటాయట.
నేను తెలుసుకున్న అసలైన కిచెన్ వాస్తు నియమాలు ఇవే:
సరైన దిశ: వంటగది ఎప్పుడూ ఇంటికి ఆగ్నేయ మూల (South-East) ఉండాలి.
స్టవ్ ఎక్కడ పెట్టాలి?: గ్యాస్ స్టవ్ను కూడా ఆగ్నేయ మూలలోనే ఉంచాలి.
ఎటు వైపు నిలబడాలి?: మనం వంట చేసేటప్పుడు తూర్పు దిశగా (East facing) ముఖం పెట్టి వంట చేయాలి.
నిప్పు – నీరు దూరం: నిప్పు, నీరు ఒకదానికొకటి వ్యతిరేకం కాబట్టి.. గ్యాస్ స్టవ్కి, సింక్కి (నీటి కుళాయికి) మధ్య కచ్చితంగా కొంత దూరం ఉండేలా చూసుకోవాలి. పక్కపక్కనే అస్సలు ఉండకూడదు.
శుభ్రత: వంటగదిని ఎప్పుడూ చెత్త లేకుండా, శుభ్రంగా ఉంచుకోవాలి.
ఇవి పాటిస్తే చాలు, ఇంట్లో ఎలాంటి వాస్తు దోషం ఉండదని తెలుసుకున్నాక, నేను ఇప్పుడు ఎలాంటి భయం లేకుండా నా మూడు బర్నర్ల స్టవ్ మీద హాయిగా వంట చేసుకుంటున్నాను. కాబట్టి, ఎవరైనా మిమ్మల్ని “మూడు బర్నర్లు వాడొద్దు” అని భయపెడితే అస్సలు నమ్మకండి. మీకు ఏది కంఫర్ట్ అయితే అదే కొనుక్కోండి.. వాస్తు దాన్ని అడ్డుకోదు!
గమనిక: వీటిని పాటించే ముందు తప్పకుండా నిపుణుల సలహా తీసుకోవాలి. ఈ వివరాలు కేవలం మీ అవగాహనకు మాత్రమే. ఇందులో పేర్కొన్న అంశాలకు ‘chaipakodi’ బాధ్యత వహించదని గమనించగలరు.
మరిన్ని చిట్కాల కోసం కింద లింక్ ని Copy చేసి చూడండి.https://www.telugulifestyle.com/

